清理 鋸 下來 个 殘枝 時 ， 吾 嬤 又 講

依 上擺 ¹ 鋸 榕樹 時節 ， 試 盡 見笑 ² 請 清潔隊員 來 幫忙 清理

結果 清潔隊員 煞 異 欽羨 吾 嬤

能 鋸 樹杷 ³ 真是 幸福 ， 吾 屋家 連 院子 都 沒 ， 就 莫講 樹杷 了

這頭 酸仔樹 是 𠊎 老弟 隨手 種 个 ， 如今 既經 高 過 三層樓 了

可惜 每擺 開花 總會 堵到 風雨 ， 都 結 不成 果

大概 ， 酸仔 （ 芒果 ） 終究係 南方 个 果樹 ， 北部人 个後院 恐 怕 是 無緣 好 收成

有時 屋家人 也會 商量 想 鋸忒 伊 重新 種 一頭 會 結果仔 个 果樹

結果 都 考慮到 捱 老弟 捨不得 而 束事 ⁴

終於 越 生 越 大 、 越 生 越 高 ， 成為 後院 最 顯眼 个 大樹 哩

有 樹仔 就有 鳥仔 ， 樹 大 哩 鳥 就 多 哩

識 對 台北 來 新竹 工作 个 阿土 ， 該 一小段 時間 就 歇在 𠊎等 屋家 个 三樓 後間

每 早晨 就是 奔 這群 小鳥仔 吵架 醒个 ， 相信 生長 在 都市肚 个 人

會 在 捱等 後院 感受 到 一些仔 个 自然野趣 正著

能可 在 自家 个 後院 看到 超過 三層樓 高 个 樹木 ， 其實 係 異 幸福 个

除了 酸仔樹 摎 榕樹 ， 後院 還有 異多 種樹

樟樹 係 外甥女 小米 出生 時 種下 个 紀念樹 ， 屋家人 稱 伊 妹仔樹

本來 有 兩頭 ， 另一頭 種在 盆子肚 哩 ， 既經 焦死 ⁶ 了

妹仔樹 就 大到 兩層半樓 高 ， 小米 正 小學 一年生 了

枇杷 夾在 樟樹 與 酸仔樹 之間 ， 生長 狀態 算 還好

三個 頭仔 个 葉冠 既經 連成一氣 ， 只有 對 樹葉仔 个 色澤 區分汝𠊎

榕樹 較 矮 一息 ， 卻係 二十零年 前 對 ⁷ 關西 搬出來 个 紀念品

大概 也係 當年 二叔 （ 𠊎等 喊 阿爸 為 二叔 ） 種 盆栽 唯一 殘留 个

雖然 異多人 ⁸ 講 「 屋前屋後一頭榕，一生人都有好窮 ⁹ 」

但係 𠊎兜 兄弟姊妹 都 捨不得 這頭 紀念樹

原來 个 盆栽 榕樹 搬出來 沒 一久 ¹⁰ 就 將 自 个 根 伸出 盆外 ， 變成 紮根 在 六家 土地肚 个 真實 樹木 了

時間一長 ， 細樹仔 生成 大樹 ， 終於 恢復 哩 一个 自然 面貌

吾 嬤 修剪 个 部分 ， 因為 驚怕 隔壁鄰舍 講話

「 伸展到 隔壁 个 枝杷 ， 係毋係 會 影響到 人家 呢 ？」 這是 吾 嬤 摎 鄰里 相處之道 。