文本一覽
大埔腔
第一課
伙房
泥磚紅瓦大伙房
大人廳下坐
細人禾埕搞
過年過節轉屋家
親戚見面笑哈哈
大埔腔
第二課
鬧熱个街路
大車細車來來去去
大人細子上上下下
店面一間過一間
食个、搞个、用个、項項有
街路實在還鬧熱
大埔腔
第三課
伯公下
伯公樹下當多人
有人尞涼打嘴鼓
有人挨弦唱山歌
還有細人份家啦
伯公總係笑咪咪
保佑大自家
大埔腔
第四課
市場
市場肚，當鬧熱
賣魚、賣肉、賣青菜
賣衫、賣褲、賣皮鞋
愛買毋買，隨在你
實在還利便
大埔腔
第五課
放尞日
放尞日，真快活
毋使讀書，睡較晝
朝脣招阿哥騎鐵馬
下晝尋阿文走相逐
放尞日
係吾个快活日
大埔腔
第六課
有閒正來尞
雲愛轉屋家該時
佢聽著
一隻鳥、兩隻鳥、三隻鳥
對佢講：有閒正來尞
風愛轉屋家該時
佢聽著
一蕊花、兩蕊花、三蕊花
對佢講：有閒正來尞
大埔腔
第七課
做生日
做生日，食雞卵糕
唱生日歌
心情好，快樂多
生日過了加一歲
爺哀照顧恁好勢
𠊎愛做一個好世細
大埔腔
第八課
𠊎寒著哩
哈啾！哈啾
𠊎寒著咧
又流濞，又發燒
阿姆帶𠊎去看醫生
多休息，多啉茶
身體正會較遽好
大埔腔
第九課
食飯同著衫
比比坐，來食飯
阿爸阿姆請先坐
青菜魚肉樣樣食
食飽正會身體好
照鏡仔，著衫褲
長袖短袖看天時
衫褲著正精神好
歡歡喜喜去讀書
大埔腔
第十課
跳上跌落
細孲嗶，真蠻皮
跳上又跳下
走來又走去
細孲嗶，真蠻皮
跳上又跌落
傱上又傱下
你莫傱，𠊎莫走
跌倒無結煞
詔安腔
第一課
隔壁鄰舍
隔壁鄰舍好緣分
上家下屋相照顧
見面遐下打招呼
有閒時務來泡茶、答嘴鼓
哪家若無閒
大家鬥相共
上家伯㜷渡細子
下屋阿哥教讀書
...
詔安腔
第三課
掃大路个阿伯
阿文伯七十空啊
身體猶真勇
逐日朝晨
天一光
佢即戴笠婆
擎祛齊
在遐掃大路
見堵著佢个人就講
...
詔安腔
第四課
運動會
加油哦！加油！
運動會，真鬧熱
大會舞，健康操
和齊活骨氣色好
挷大索，輪大球
團結合作爭第一
趣味競賽足心適
大隊接力真刺激
...
詔安腔
第二課
恁靚个社區
在這位
聽得著流水个歌聲
䀴得著青山个身影
在這位
有兒童賞尞个廣場
有大人搭詑个公園
在這位
細子人快快樂樂
...
詔安腔
第五課
校外教學
𠊎真愛校外教學
百花相爭開
鳥來做同學
海脣撿螺殼
紅樹林邊尋老蟹
城市坐捷運
博物館內增見識
莊下蒔田捋果子
...
詔安腔
第六課
大家來拚掃
開學咧
大家來拚掃
你拿掃把、畚斗
𠊎提桌帕、水桶
掃泥下
擦烏枋
捽窗門
又愛祛樹葉、清水溝
...
。
，
：
；
？
！
（
）
…
「
」
、
‧
