文本一覽
文本一覽
饒平腔
阿公个三種身分
客家莊係阿公个胞衣跡，戴到今會八十年咧
阿太係學老人，因為食頭路个關係，就在這莊頭生根咧
阿公屋下六姊妹，細細仔學講話起勢，阿太就教學老話
三、四歲後，尋隔壁个細人仔伴爽尞，佢兜一概係客人
一日到暗摎啊摎仔，毋使人教，無幾久就當會唊咧，顛倒華語係讀國民學校正學个
阿公班上有外省人、學老人，乜有客人，哪種人佢都摎得合
因為講話無麼个腔頭，所以就有人問佢到底係學老人，抑係客家人？
乜有人挑意問佢係毋係「阿山仔」？阿公生來高溜高溜，面板長長，白淨白淨
確實有外省人个形投，過後做兵、食頭路、參加各種活動，都分人有這三種身分个疑狐
...
饒平腔
時計果
尞日，摎屋下人共下去遶山花，在路脣䀴著有幾攤農家人在該賣自家種个菜
斯行前去遶遶䀴䀴，有炙到蠟黃个筍乾、烏𪐞出油个老菜脯
有金黃色飽米个甜包粟、沁青个竻瓜、柑紅色个黃瓠、生來像青色玫瑰花个高麗菜
嫩青个香櫞瓜、各色个甜椒，還有香氣特殊个山當歸、山胡椒
這兜又靚又萋个菜像在該相拚，擛手愛餳人去買
菜攤頭前，還有用紅色細網仔袋張等一袋一袋个時計果
該深茄色帶有細黃點个外皮還略略皺皺，恬恬等曉得欣賞佢个有緣人
想起細个時節，食雜無這下恁豐湧，一擺尞寒假
阿哥湊𠊎摎老弟共下去大圳背竹園肚拈野生个時計果
...
饒平腔
灌煙腸
臘月，過加無一個月就係過年咧！
物質缺乏个年代，愛食無恁利便，家家戶戶係有閒，總係會利用這年前
準備兜過年會用到个年貨，做兜臘肉、豬膽肝，其中最餳人个就係煙腸
在臺灣南部六堆地區，到了年下時節，雨水少、日頭本本像熱天恁烈
這下，係來做臘肉、也係灌煙腸都係最好个時節。因為田坵事這下較少
阿嬤最好在這段日仔，加減做兜臘肉摎煙腸，好在過年个時節有豐沛个菜色
𠊎最好摎阿嬤𢯭手灌煙腸，好爽又好食
該兜灌好个煙腸又做得放盡久，等到開學愛讀書个時節，帶飯包又做得加一項菜
灌煙腸个時節，阿嬤除忒會先摎賣豬肉个鏡福叔公買幾斤後腿个豬肉，佢乜會加買一息个肥肉
...
饒平腔
祕密基地
逐年寒天，𠊎會去行屋後背个一條山路，這條山路頭站打紅毛泥
䀴起來就像一條普通个產業道路定，無麼个見奇
毋過，蹶上山峎頂，變做泥路後，這條山路黏時就變成𠊎个祕密基地
見擺行落這搭仔，𠊎歸隻人就變到非常鬆爽
這條路分大樹摎竹仔遮塞塞，炙毋著麼个日頭
地泥下舖淰淰跌下來个樹葉摎竹葉，有兜樹仔、竹仔橫在路徑頭
有兜石碫摎路脣个石䃗落忒咧，歸條路䀴起來就知無麼个人行
這下，會行這條路个人，大體就係䟓䟓來行山路運動个人
𠊎來這，除忒運動以外，還做得感受這片山林个恬靜
...
饒平腔
田頭田尾齣事多
「唧唧唧、唧唧唧」麼个東西唩唧唧？土狗仔？草蜢？𠊎輕手輕腳行兼去
誒！佢兜嗄禁聲咧，電線頂高个屋簷鳥相等𠊎，又乜恬索索！
仰般講來，𠊎毋係人客，嗄有該攪躁著人个敗勢心情
另胲一喊：「阿爸，𠊎轉來咧！」聲一出，嗄來嚇走一陣鳥
臨暗仔个日頭，柔柔閃到山背去，留等晚霞滿天，靚到奈毋得哦！
屋脣个兩坵田，係祖產，這下異好價，毋過阿爸毋盼得賣忒佢
用天然个方式，阿爸年年蒔田收穀，挨个精米、糙米
戴城市个阿叔、做生理个阿伯、阿姑、叔婆，做下有份
田脣、田角阿嬤斯會加減種兜菜，因為田坵長年無擳藥
...