文本一覽
文本一覽
詔安腔
第二課
便利商店
嘴渴咧，𠊎會想著佢
食肚枵啊，𠊎會去尋佢
叮噹！歡迎光臨
一聲親切个問候來迎接
燒个、冷个在你擇
飯包、四秀、書報雜誌件件有
領錢、繳費，傳真、影印
逐種服務樣樣齊
...
詔安腔
第六課
尞天穿
正月二十係「天穿日」
聽講古早時代
水神摎火神冤家
拁天崠揰爛空
女媧娘即煉石來補天
這日，客人大討會煎甜粄
無即烰油錐仔來拜女媧娘
人講个：「有做無做，尞到天穿過」
...
南四縣腔
第八課
山路
阿芳：阿爸，原來你上擺講个地方就係這喔
阿爸：係啊
阿芳：阿爸，這條山路有幾長哪
阿爸：大約三、四公里，係你來行，怕愛成兩點鐘喔
阿芳：吓！仰會恁遠，𠊎驚佇毋著哦
阿爸：仰會佇毋著呢？你毋係不時有運動
阿姆：係啊！係啊！上擺去跋加里山
來去六、七點鐘久，你毋係行最頭前
...
南四縣腔
第九課
圳溝同陂頭个道嘆
有一日个當晝頭
老龜仔在大石頭頂項晒日頭
聽著圳溝同陂頭在該唉唉唧唧
測著蓋奇怪
老龜仔：你兩儕做麼个道嘆呢
陂頭：唉！無講你毋知，講來話又長哩喲
圳溝：係呀！毋多知，𠊎等歇在這差毋多有三百年吔
陂頭：後生該時節，日夜都無閒，幾艱苦你知無
...