文本一覽
文本一覽
詔安腔
第六課
來去義民廟䀴打醮
舊年，先生渡𠊎人去新埔枋寮義民廟䀴打醮
猶吂到義民廟，遠遠就䀴著三支伸入天頂个「燈篙」
先生講這高高个「燈篙」係招孤魂
就像現時个請帖，嘛係引路个指標
𠊎這兜人行到義民廟口，先向義民爺行禮
先生講，義民爺係一陣為著保衛自家鄉土
保護大家生命，死難犧牲个先人
起頭下，𠊎真像鴨仔聽雷，經過先生有頭有尾詳細个解說了後
...
詔安腔
第七課
送子伯公
阿福伯㜷䀴著細子阿昌摎阿美結婚幾下年
食肚猶係塌塌，又想著屋下三代單傳
若有孫來弄，毋知有幾好
阿福伯㜷見擺去廟內底，即求神託佛，望新婦降一個細子
有一日暗夜，神明託夢得阿福伯㜷
你人想討有子兒，即愛向南行，去求有種玉蘭花个伯公
阿福伯和阿福伯㜷即滿那位去尋，東探聽，西探聽
問著在苗栗北勢裡有一座宮廟脣个伯公
...
詔安腔
第八課
食到老學到老
春秋時代，孔子渡著學生共下周遊列國
有一日車仔行到半路，嗄得一個用泥圝堆个城堡擋著
內底猶有一個細子在遐賞
孔子即問佢：「你仰子个擋𠊎个車，毋得𠊎過？」
遐個細子應講：「自古到今
單單聽過車閃城堡，哪有講城堡愛閃車仔个！」
孔子遐下無事好應，即對佢講
你雖然年紀細，毋過知著恁深个道理，你喊做麼个名呢
...
詔安腔
第九課
隔壁个新移民
今日五月十五係國際家庭日
𫣆个社區舉辦國際料理比賽
隔壁伯㜷个越南新婦阿雪，笑咪咪上臺領獎
歸屋下人攏來參加，大家都真歡喜
記得阿雪正嫁个時，日時頭，伸兩家婆新婦在屋下
因為言語毋通，伯㜷比手畫腳
細心細意教佢做遐做這，阿雪像鴨聽雷个樣
猶認為厥家婆嫌佢，輒輒走去房間唩
...
詔安腔
第十課
社區大學
逐日烏昏六點半遐時
對四方八面个學員，有老有嫩
有个正下班，有个正做閒屋下个事
陸陸續續行入教室內
日時頭，遐兜學員在各行各業打拚
到位暗晡頭，因為共樣个興趣
大家做同學，共下學習
這即係現時真時行个「社區大學」
...
詔安腔
第一課
鹹菜摎覆菜
逐年个冬尾，禾割煞啊
在客莊个田底
會䀴著真多青拚拚个芥菜
家家屋屋即會用芥菜做一兜仔鹹菜和覆菜
鹽來滷，腳來蹬，石頭矺，日頭炙
滷出來个鹹菜香又脆
來一盤鹹菜炒鴨肉，又甘又著味
食過个人攏安腦
...
詔安腔
第三課
迎神做鬧熱
三月二十三媽祖生
莊底媽祖婆去北港割香
回鑾个時務，去逐莊頭出巡
善男信女即在路脣設香案迎拜
出巡个時務
千里眼、順風耳打頭陣
聽講，佢兩儕本來係海底作亂个妖怪
落尾得媽祖收伏
...
詔安腔
第四課
茶米
食妹茶來領妹情
茶杯照影影照人
連茶帶影吞落肚
一生難忘阿妹情
「茶」和客人个生活有密切个關連
客家山歌即係在山崠茶園底傳唱出來个
猶記得舊年寒天
跈阿怙阿依去二舅屋下尞
...
詔安腔
第六課
休閒農業
休閒農業就係將傳統農業个經營方式多元化
有个拁地方个農產品
加工變到精緻个商品
有个配合在地个風土人情
發展出有特殊文化个景點
有个利用地方个資源
得人客親身操作
體驗農村个生活
...
詔安腔
第七課
上網買物件
後禮拜，討轉莊下去䀴阿公
𠊎想著阿公真愛食豆腐乳
就上網去買
手指一點，無幾多日
物件即送到屋下來
下腳即係在網路上訂个物件
商品名稱：豆腐乳禮盒
商品編號：b367985
...
詔安腔
第八課
請人來食夜
阿公：阿良，恁暗啊，人客仰子吂到位咧？
阿良：大概會到位啊！
喔！來啊來啊！請坐！請坐！
李太太：這身衫褲得阿佅著
日大三寸，平平順順
張太太：這隻手鎉得阿佅戴，乖乖𠢕大
阿舅：這紙尿褲得阿佅，大富大貴
阿良：人來即好，哪好恁成大包細包！
...
詔安腔
第九課
跈阿依轉外家
母親節
阿怙、阿依渡𠊎兩姊妹轉外家
到位外媽屋下頭前
一落車，外媽即拁𠊎攬个講
恁久無䀴著，較有肉喔！有想阿媽無
無幾久，阿姨也到位
阿依和阿姨拁紅包
康乃馨送得外媽
...
詔安腔
第十課
拜公媽
五月節，屋下愛拜公媽
打早，阿依即拁牲儀、餡粽
果子準備好勢
等子孫攏到位，阿公即渡大家點香
拁公媽講，今日係五月節
請公媽來領受三牲、果酒
保護子孫平安順序
過後，阿公拁大家講成過祖先仰子打拚
...