文本一覽
文本一覽
饒平腔
第三課
網路阿宅
有一儕人，無人知佢麼个名姓，淨知佢係「阿宅」
無人知佢戴在哪，乜無人知佢在哪食頭路
䀴著佢个時節，大體就係在網路項
阿宅平常異恬，無麼个話講，乜異少摎人相借問
係講著佢有興趣个話頭，就講毋會煞
佢見講話，盡慣在話頭話尾加一句
這係網友講个、網路項恁樣寫个
阿宅有「遠視」，毋過無戴目鏡
...
饒平腔
第四課
利便个交通網
第一幕
時間：拜六暗晡
人物：阿爸、阿姆、阿煥仔（國中三年生）、阿婷仔（小學二年生）
地點：廳下
阿煥仔： 阿爸，天光日愛坐幾多點个車？愛幾早跆起？
阿爸：𫣆俚坐八點个車，大體六點半邊仔跆起就做得哩！
阿婷仔：該乜會像上擺樣仔，轉到阿嬷屋下就過晝缽𤊶咧？
恁樣又做得食鐵路便當咧，還好哪！
...
饒平腔
第五課
人人做得食百二
阿文牯：
恁久仰般？
你去外背讀書，單儕人在人生地不熟个所在生活
上禮拜你放尞轉來，𠊎䀴著你面色異毋好
又加恁瘦，䀴起來懶懶，阿爸實在當毋盼得
你本來身體恁砸磳，係毋係食睡無照常
又加勝寒著，無抽牽去分先生䀴，正會恁樣
愛知有康健个身體，正有精神好讀書
...
饒平腔
第六課
一隻社區个營造
三月十五該晨早，𠊎為著愛了解社區个營造
抽牽去參加桂花巷社區个剪綵活動
從實際活動个體驗摎訪問，來了解社區
路項，𠊎聽一個伯姆講起桂花巷社區，上隻月成立咧環保義工隊
摎社區个大街小巷，拚掃到淨俐淨俐！
伯姆一講，𠊎正發覺著
原旦滿哪仔就係地圾个路頭巷尾，這下整理到伶伶俐俐！
來到活動个現場，𠊎䀴著當多鄉親，還有當多毋熟事个人
...
饒平腔
第七課
恁靚个臺灣
臺灣島就像太平洋脣个一粒珍珠
在這細細个島項，䀴得著高山、平洋、峽谷、海岸，地形多樣，景致美麗
寒、溫、熱帶林相完整，生態豐富，葡萄牙人摎佢安到「福爾摩沙(Formosa)」
自古以來，原住民、客家人、學老人摎新住民
在這位安身立命，開枝散葉
相扶相融，產生多元文化
陽明山个火山地形、硫磺溫泉，係生活活个地質教室
寒天時節，雪霸群峰白雪雪一片
...
饒平腔
第八課
萬丈高樓從底起
有一日𠊎坐火車愛去高雄，坐啊定疊
一個五十歲邊仔个男仔人，行到𠊎个位仔面前
佢緊䀴𠊎，笑笑仔講
失禮！請問你係李增福先生無
係啊！你仰會識𠊎呢
𠊎臥起頭來，䀴等這個面烏刻烏刻仔
目珠大大蕊異有精神、身材又高又砸磳
著一領灰灰个「夾克」，手項擐等一隻老式公事包个男仔人
...
饒平腔
第九課
樂觀自信个人生觀
世間人百百種，有人銜等金湯匙出世，有人一落泥就少這缺該
人講一枝草一點露，每儕人總有一條路好行
瑞典有一個細阿妹仔，一出世就無手
加上左腳係右腳个一半長
毋過從細爺哀就摎佢準正常人䀴
教佢愛仰般面對困難、適應生活，發揮自家个長處
用樂觀个態度來面對人生，佢就係蓮娜‧瑪麗亞(Lena Maria)
蓮娜三歲該時節，厥爸教佢學泅水
...
饒平腔
第十課
𠊎个生涯規劃
加一駁仔，𠊎就愛國中畢業咧
這下个心情就像老鼠跌落米缸肚，一重歡喜一重愁
歡喜个係愛畢業，準備行入另外一隻階段
愁个係毋知愛讀仰般个學校
好得這段時間，學校辦咧一系列生涯規劃个活動，對𠊎有異大个幫助
原本𠊎對自家个生涯規劃，總係無主無意
從細仔阿爸就對𠊎講：「愛認真讀書
日後正有機會坐橫桌、擎直筆
...
南四縣腔
第六課
休閒農業
休閒農業就係將傳統農業个經營方式多元化
有兜將地方農產品
加工變到精緻个商品
有兜配合當地个風土人情
發展出有特殊文化个景點
有兜利用地方个資源
分人客親身操作，體驗農村个生活
這下盡多農家人
...
南四縣腔
第七課
上網買東西
下二禮拜，愛歸鄉下去看阿公
𠊎想著阿公盡好食豆腐乳
就上網去買
手指一點，無幾多日
東西就送到屋下來
下背就係在網路項定个東西
商品名稱：豆腐乳禮盒
商品編號：b367985
...
南四縣腔
第八課
請人來食夜
阿公：阿良，恁暗吔，人客仰吂到呢？
阿良：怕會到哩！
喔！來哩來哩！
請坐！請坐！
李太太：這身衫褲分嬰兒仔著，日大三寸，平平順順
張太太：這隻禁指分嬰兒仔戴，乖乖會大
阿舅：這紙尿褲分嬰兒仔，大富大貴
阿良：人來就好，哪好恁仔大包細包！
...
大埔腔
第九課
樂觀自信个人生觀
世間人百百種，有人銜金湯匙出世，有人一落泥斯少這缺該
人講一枝草一點露，逐個人總有一條路好行
瑞典有一個細阿妹，一出世斯無手
又過左腳係正腳个一半長
毋過自細爺哀斯同佢準正常人看
教佢愛仰脣面對困難、適應生活
發揮自家个長處，用樂觀个態度來面對人生
佢斯係蓮娜‧瑪麗亞(Lena Maria)
...