文本一覽
文本一覽
饒平腔
第九課
隔壁个新移民
今晡日五月十五係國際家庭日
𫣆个社區舉辦國際料理比賽
隔壁阿伯姆个越南心婦阿雪仔
笑咪咪仔上臺領獎
一屋下人都來參加，大家就當暢
記得阿雪仔正嫁來該下
日時頭，伸著兩子家娘在屋下
因爭話語毋通
...
饒平腔
第十課
社區大學
逐日臨暗仔六點半邊仔
來自四方八面个學員
有老有嫩，有兜正下班，有兜正摸閒屋下个事
陸陸續續行入教室肚
日時頭，該兜學員在各行各業打拚
到咧暗晡頭
因為共樣个興趣，大家做同學，共下學習
這就係現下異時行个「社區大學」
...
四縣腔
第五課
人人做得食百二
阿文牯：
恁久仰般？
你去外背讀書，單儕人在人生地不熟个所在生活
上禮拜你放尞轉來，𠊎看著你面色異毋好
又加恁瘦，看起來懶懶，阿爸實在當毋盼得
你本來身體恁砸磳，係毋係食睡無照常
又加勢寒著，無抽間去分先生看，正會恁樣
愛知有康健个身體，正有精神好讀書
...
大埔腔
第十課
社區大學
逐日臨暗六點半邊
對四向角頭來个學員，有老有嫩
有兜正下班，有兜正摸閒屋家个事
陸陸續續踏入教室肚
日時頭，該兜學員在各行各業打拚
到暗晡頭，因致共樣个興趣
大家來做同學，共下學習
這斯係現下已時行个「社區大學」
...
大埔腔
第一課
網路世界
這下係網路个時代，無論係個人、家庭，抑係機關、企業
做下斯會用著網路
網路無國界个限制，使得拉偎人同人之間个距離
帶分現代人生活當大个利便
今這下个人，毋使上街，用網路來買賣東西斯使得
網路商店賣个物品包羅萬象
愛買東西，手指一點，貨斯會寄到屋家來
愛看新聞，網路項个消息，比報紙較新又較遽
...
大埔腔
第二課
淨俐个地球
樹叢肚 鳥這片唱 該片和
唱出歸樹林个快樂
山排項 百花嗶剝 滿山香
細人逐上逐下草坪項
東風吹啊來 𠊎聽著生命个歡唱
烈烈个日頭 逐緊鏡鮮个泉水
對山項到坑壢 順河壩 流入連天个海洋
魚在該泅來泅去
...
大埔腔
第三課
網路阿宅
有一個人，無人知佢麼个名姓
單淨知佢係「阿宅」
無人知佢戴在哪，也無人知佢在哪食頭路
看著佢个時節，大體斯係在網路項
阿宅平常時已恬，無麼个話講
也已少同人相借問
若係講著佢有趣味个話頭
斯講毋會煞
...
大埔腔
第四課
利便个交通網
第一幕
時間：拜六暗晡
人物：阿爸、阿姆、阿煥（國中三年生）、阿婷（小學二年生）
地點：廳下
阿煥：阿爸，天光日愛坐幾多點个車？愛幾早䟘？
阿爸：𫣆等坐八點个車，大體六點半邊䟘斯使得咧
阿婷：該又會像上擺个樣，轉到阿奶屋家斯過晝缽𤊶咧係無
恁泥又使得食鐵路便當哩喲，還好哪
...
四縣腔
第六課
一個社區个營造
三月十五該朝晨，𠊎為著愛了解社區个營造
抽間去參加桂花巷社區个剪綵活動
從實際活動个體驗摎訪問，來了解社區
路項，𠊎聽一個伯姆講起桂花巷社區，上隻月成立吔環保義工隊
同社區个大街小巷，拚掃到淨俐淨俐！
伯姆一講，𠊎正發覺著
原旦哪仔就係地圾个路頭巷尾，這下整理到伶伶俐俐！
來到活動个現場，𠊎看著當多鄉親，還有當多毋熟事个人
...
四縣腔
第七課
恁靚个臺灣
臺灣島就像太平洋脣个一粒珍珠
在這細細个島項，看得著高山、平洋、峽谷、海岸，地形多樣，景致美麗
寒、溫、熱帶林相完整，生態豐富，葡萄牙人摎佢安到「福爾摩沙(Formosa)」
自古以來，原住民、客家人、學老人同新住民
在這位安身立命，開枝散葉
相扶相融，產生多元文化
陽明山个火山地形、硫磺溫泉，係活生个地質教室
寒天時節，雪霸群峰白雪雪一片
...
四縣腔
第九課
樂觀自信个人生觀
世間人百百種，有人銜等金湯匙出世，有人一落泥就少這缺該
人講一枝草一點露，每儕人總有一條路好行
瑞典有一個細阿妹仔，一出世就無手
加上左腳係右腳个一半長
毋過從細爺哀就同佢準正常人看
教佢愛仰仔面對困難、適應生活，發揮自家个長處
用樂觀个態度來面對人生，佢就係蓮娜‧瑪麗亞(Lena Maria)
蓮娜三歲該時節，厥爸教佢學泅水
...