文本一覽
文本一覽
大埔腔
第六課
一個社區个營造
三月十五朝晨，𠊎為著愛了解社區个營造
斯抽牽去參加桂花巷社區个剪綵活動
對實際活動个體驗同訪問，來了解社區
路項，𠊎聽一個伯姆講起桂花巷社區
上個月成立環保義工隊，同社區个大街小巷
拚掃去淨俐淨俐
伯姆一講，𠊎正發覺著
原旦滿哪都係垃圾个路頭巷尾，這下整理都伶伶俐俐
...
南四縣腔
第七課
掛紙
清明打早，歸屋下人共下去掛紙
到吔墓地，先剷地、掃墳堂
矺黃嘏紙，正擺牲體
各房人到齊就點香
叔公帶等大家拜請祖公
跌有聖筊正斟酒
接等叔公同大家講
祖公个源流過恩德
...
大埔腔
第七課
恁靚个臺灣
臺灣島斯像太平洋脣个一粒珍珠
在這細細的島項，看得著高山、平原、峽谷、海岸
地形多樣，景致美麗
寒、溫、熱帶林相完整，生態豐富
葡萄牙人同佢安到「福爾摩沙(Formosa)」
自古以來，原住民、客家人、學老人同新住民
在這位安身立命，開枝散葉，相扶相融，產生多元文化
陽明山个火山地形、硫磺溫泉，係活生个地質教室
...
大埔腔
第八課
萬丈高樓從底起
有一日𠊎坐火車愛去高雄，正坐定疊
一個五十歲邊个男人，行到吾面前
捉𠊎緊看笑笑講
失禮！請問你敢係李增福先生
係啊！你仰脣會識𠊎呢
𠊎探頭看，這個面烏刻烏刻
目珠大大蕊已有神、生來又高又砸磳
著一領火灰色个「夾克」，手擐一隻舊型公事包个男人
...
饒平腔
第一課
網路世界
這下係網路个時代，無論係個人、家庭抑係機關、企業，做下就會用著網路
網路無國界个限制，做得拉兼人摎人之間个距離
帶分現代人生活當大个利便
今這下个人，毋使上街，用網路來買賣東西就做得
網路商店賣个物品包羅萬象
愛買東西，手指一點，貨就會寄到屋下來
愛䀴新聞，網路項个消息，比報紙較新又較遽
愛寫信仔，上網寫e-mail，毋使貼郵票，又遽又省錢
...
饒平腔
第二課
淨俐个地球
樹叢肚 鳥仔這片唱 該片和
唱出歸樹林个快樂
山排項 百花嗶剝 滿山香
細人仔逐上逐下草坪項
東風吹啊來
𠊎聽著生命个歡唱
烈烈个日頭逐等鏡鮮个泉水
對山項到坑壢順等河壩 流入連天个海洋
...
四縣腔
第八課
萬丈高樓從底起
有一日𠊎坐火車愛去高雄，坐啊定疊
一個五十歲邊仔个男仔人，行到𠊎个位仔面前
佢緊看𠊎，笑笑仔講
失禮！請問你係李增福先生無
係啊！你仰會識𠊎呢
𠊎臥起頭來，看等這個面烏刻烏刻仔
目珠大大蕊異有精神、身材又高又砸磳
著一領灰色个「夾克」，手項擐等一隻老式公事包个男仔人
...
饒平腔
第四課
渡子歌
一想渡子無恁該，幾多艱難受過來；
受盡幾多寒更夜，仰得子大孝爺哀？
「渡子歌」係在臺灣客家莊流傳个一條山歌
內容係寫婦人家降子个風險，摎養育子女个辛苦
用念唱个方式，來表現該時代做阿姆儕生活个艱苦
目的在勸話世間人愛行孝道
婦人家一有身項，就愛細心細義
坐得高來驚怕會倒𢫦轉，坐得矮來又驚會搵內傷
...
南四縣腔
第三課
迎神做鬧熱
三月二十三媽祖生
莊項媽祖婆去北港割香
轉鑾个時節，到各莊頭出巡
善男信女就在路脣設香案迎拜
出巡个時節
千里眼、順風耳打頭陣
聽講，佢兩儕本成係海項作亂个妖怪
過後分媽祖婆收伏
...
南四縣腔
第四課
茶心
食妹茶來領妹情
茶杯照影影照人
連茶帶影吞落肚
一生難忘阿妹情
「茶」同客家人个生活有密切个關連
客家山歌就係在山頂茶園項傳唱開來个
還記得舊年冬下
跈阿爸阿姆去二舅屋下尞
...