文本一覽
文本一覽
饒平腔
第八課
山路
阿芳：阿爸，原來你上擺講个地方就係這喔！
阿爸：係啊！
阿芳：阿爸，這條山路有幾長哪？
阿爸：大約三、四公里，係你來行，怕愛成兩點鐘喔！
阿芳：吓！仰會恁遠，𠊎怕奈毋何喔！
阿爸：仰會奈毋何呢？你毋係長透有運動？
阿姆：係啊！係啊！上擺去蹶加里山
來去六、七點鐘久，你毋係行最頭前？
...
饒平腔
第九課
圳溝摎陂頭个啕嘆
有一日个當晝頭
老龜仔在大石牯頂背炙日頭
聽著圳溝摎陂頭在該唉唉唧唧，試著當奇怪
老龜仔：你兩儕做麼个啕嘆呢？
陂頭：唉！無講你毋知，講來話又長哩喲！
圳溝：係呀！毋多知，𫣆俚戴在這位差毋多有三百年咧！
陂頭：後生該量時，日夜都無閒，幾艱苦你知無？
圳溝：耕種人係講愛耕一大片水田，就無恁該食
...
四縣腔
第十課
社區大學
逐日臨暗仔六點半邊仔，來自四方八面个學員
有老有嫩，有兜正下班，有兜正摸閒屋下个事，陸陸續續行入教室肚
日時頭，該兜學員在各行各業打拚，到吔暗晡頭，因為共樣个興趣
大家做同學，共下學習，這就係現下異時行个「社區大學」
社區大學个成立毋係為著賺錢
係為著面對這下變化當遽、價值多元个社會
發展出永續終身學習、厚植公民素養、強化在地關懷个辦學理念
凡係十八歲以上有心學習个民眾，就做得來讀
...
大埔腔
第九課
圳溝同陂頭个道嘆
有一日个當晝頭
老龜在大石牯面晒日頭
聽著圳溝同陂頭在該唉唉㗱㗱
試著當奇怪
老龜：若等兩儕做麼个道嘆呢？
陂頭：唉！無講你毋知，講來話又長哩喲！
圳溝：係呀！毋多知，𫣆等戴在這位差毋多有三百年咧
陂頭：後生該當時，日夜都無閒，幾艱苦你知無
...
饒平腔
第十課
老街
有一擺，𠊎摎好朋友去逛老街
老街就像囥在阿嬤簞笥肚个老相片
逐張轉黃退色个相片
像講等一條條有快樂也有傷心个老故事
行入老街
該一長槓个拱形門廊
一扇一扇雕龍刻鳳个窗門
䀴得出老師傅奇巧个手藝
...
四縣腔
第一課
網路世界
這下係網路个時代，無論係個人、家庭抑係機關、企業，做下就會用著網路
網路無國界个限制，做得拉兼人同人之間个距離
帶分現代人生活當大个利便
今這下个人，毋使上街，用網路來買賣東西就做得
網路商店賣个物品包羅萬象
愛買東西，手指一點，貨就會寄到屋下來
愛看新聞，網路項个消息，比報紙較新又較遽
愛寫信仔，上網寫e-mail，毋使貼郵票，又遽又省錢
...
大埔腔
第十課
老街
有一擺，𠊎同好朋友去遶老街
老街斯像囥在阿奶簞笥肚个老相片
逐張退色轉黃个相
像在講一條一條有歡喜、也有傷心---該老頭擺个古
行入老街，該一長槓个拱形門廊
一扇一扇雕龍刻鳳个窗門
看得出老師傅奇巧个手藝
這一間一間古色古香个紅磚屋
...
海陸腔
第九課
樂觀自信个人生觀
世間人百百種，有人銜等金湯匙出世，有人一落泥就少這缺該
人講一枝草一點露，每儕人總有一條路好行
瑞典有一個細阿妹仔，一出世就無兩支手
加上左腳係正腳个一半長
毋過從細爺哀就摎佢準正常人看
教佢愛仰般面對困難、適應生活
發揮自家个長處，用樂觀个態度來面對人生
佢就係蓮娜‧瑪麗亞(Lena Maria)
...
饒平腔
第一課
行入伙房屋
「四四方方个大伙房，大人細子个天堂」
車肚收音機播出這個歌聲
𠊎聽著異心色，黏時就問
麼个係大伙房？
阿爸講：「大伙房係較早期𫣆兜客家人在莊下起个屋
該央時房族共下戴
聲事共下做，三餐共灶煮、共下食
摎這下个細家庭無共樣！」
...
饒平腔
第二課
敬字惜紙話聖蹟
「一頭樹仔項，兩個細人仔懸晃槓仔」
請揣一隻字
答案就係「來」，你有揣著無？
恁心色个漢字，係上古時代流傳下來个
還較早先个人，用索仔打結來記事
毋過無法度做較複雜个記載
後來个人就觀察天下萬物个情形
造出代表各種意義个符號
...
四縣腔
尞，一路來
邱一帆
擇隻好天時抑係落雨天
琢琢仔行，慢慢仔尞
上南片个風一路吹等來
羅屋書院个藝文飄香
大山背个麵包有靚靚个山田倚恃
茶米、柑橘、鹹菜展出在地風味
布包裡背帶等後生人轉屋下个夢
食一隻枸薑粽、傍一碗仙草茶
...
海陸腔
第十課
𠊎个生涯規劃
加一駁仔，𠊎就愛國中畢業咧
這下个心情就像老鼠跌落米缸肚，一重歡喜一重愁
歡喜个係愛畢業，準備行入另外一隻階段
愁个係毋知愛讀仰般个學校
好得這段時間，學校辦了一系列生涯規劃个活動
對𠊎有已大个幫助
原旦𠊎對自家个生涯規劃，總係無主無意
從細阿爸就對𠊎講：「愛認真讀書
...
大埔腔
第一課
行入伙房屋
四四方方个大伙房
大人細子个天堂
車肚收音機播出這歌聲
𠊎聽著已生趣
黏時斯問：「麼个係大伙房？」
阿爸講：「大伙房係較早期𫣆等客人在莊下起个屋
該當時房親共下戴
耕稼共下做，三餐共灶煮、共下食
...
大埔腔
第二課
敬字惜紙話聖蹟
一頭大樹項，兩個細人吊晃槓
請揣一隻字
答案斯係「來」，你有揣著無
恁生趣个漢字，係上古時代流傳落來个
過較頭擺个人，用索打結來記事
毋過無法度做較複雜个記載
後來个人斯觀察天下萬物个情形
造出代表各種意義个符號
...