文本一覽
文本一覽
大埔腔
第四課
無共樣个客家話
𠊎講「靚」，你講「鬧(nau)」
𠊎講「看」，佢講「䀴(ngiangˋ)」
「阿爹」有人喊「阿公」
「阿爸」有人喊「阿怙(aˇ u)」
雖然講法無共樣
毋過，毋使疑狐，這兜做下係客話
客話在臺灣有五種主要个腔調
四縣腔大體分布在苗栗、高屏地區
...
四縣腔
第七課
送子伯公
阿福伯姆看著倈仔阿昌同阿美仔結婚幾下年
肚屎還本本凹凹，又想著屋下三代單傳，係有孫仔來弄啊哩，毋知有幾好！
阿福伯姆見去廟項，就求神託佛，望心臼降隻細人仔來
有一暗晡，神明託夢阿福伯姆
你兜想愛有子息，就愛向南行，去求有種玉蘭花个伯公
阿福伯同阿福伯姆就一哪仔去尋，東打探，西打探
問著在苗栗北片析有一座宮廟脣个伯公
伯公樹就係玉蘭花，佢兜就喊倈仔、心臼共下去求
...
饒平腔
第三課
坐兼來參詳
下禮拜𫣆俚這班愛去家政教室上課
上課以前，先開班會討論上課內容
會議紀錄係恁樣：
七年一班班會紀錄
時間：10月24日下晝第三節
週次：第七禮拜
開會次數：第三擺
地點：701班教室
...
四縣腔
第八課
食到老學到老
春秋時代，孔子帶等學生仔共下周遊列國
有一日車仔行到半路仔，嗄分一隻用泥團結个城堡擋著
裡肚還有一個細人仔在該搞
孔子就問佢：「你做麼个擋吾車仔，毋分𠊎過？」
該隻細人仔應講：「從古到今，淨有聽過車仔閃城堡
哪有講城堡愛閃車仔个！」
孔子當下無話好應，就對佢講
你雖然年紀細，毋過知得恁深个道理，你安到麼个名呢？
...
海陸腔
第五課
人人做得食百二
阿文牯：恁久仰般？
你去外背讀書，單儕人在人生地不熟个所在生活
上禮拜你放尞轉來，𠊎看著你面色已毋好
又加恁瘦，看起來懶懶，阿爸實在當毋盼得
你本來身體恁砸磳，係毋係食睡無照常，又加勝冷著
無抽牽去分先生看，正會恁樣
愛知有康健个身體，正有精神好讀書
身體愛好就愛從食雜、保健、醫療三方面做起勢
...
大埔腔
第五課
發夢
阿明屋家當匱
長在有一餐無一餐
佢輒輒枵都「肚屎變背囊」
根本無錢好討餔娘
有一日，佢上山撿樵
到晝咧，肚屎當枵
佢斯拿出飯𤊶來過餐
忽然間，佢看著一隻白鶴軟怠怠橫在樹頭下
...
饒平腔
第四課
無共樣个客家話
𠊎講「靚」，你講「鬧(nau)」
𠊎講「䀴(ngiangˋ)」，佢講「看」
「阿公」有人喊「阿爹(a+da+)」
「阿爸」有人喊「阿怙(aˇu)」
雖然講法無共樣
毋過，毋使疑狐
這兜全部係客家話
客家話在臺灣有五種主要个腔調
...
大埔腔
第六課
揣令
正月半該暗晡
吾等跈阿爸去參加揣令比賽
廟埕肚人山人海，鬧熱濟借
正起勢，有當多靚靚个細阿妹又唱又攘
實在還好看哪
過後斯係揣令比賽
𠊎看著歸列个燈籠
逐隻燈籠下背吊緊一條令
...
海陸腔
第六課
一隻社區个營造
三月十五該朝晨，𠊎為著愛了解社區个營造
抽牽去參加桂花巷社區个剪綵活動
從實際活動个體驗摎訪問，來了解社區
路項，𠊎聽一個伯姆講起桂花巷社區
上隻月正成立環保義工隊，摎社區个大街小巷
拚掃到淨俐淨俐
伯姆一講，𠊎正發覺著
原旦滿哪仔就係垃圾个路頭巷尾，這下整理到伶伶俐俐
...
饒平腔
第五課
發夢
阿明屋下當苦
日仔過到有一餐無一餐
佢常常枵到「肚屎變背囊」
根本無錢好討餔娘
有一日，佢上山撿樵
到晝咧，肚屎當枵
佢就提出飯𤊶來過餐
忽然間，佢䀴著一隻白鶴軟怠怠橫到樹頭下
...
四縣腔
第九課
隔壁个新移民
今晡日五月十五係國際家庭日
𫣆个社區舉辦國際料理比賽
隔壁阿伯姆个越南心臼阿雪仔，笑咪咪仔上臺領獎
一屋下人都來參加，大家就當暢
記得阿雪仔正嫁來該下，日時頭，伸著兩子家娘在屋下
因爭話語毋通，阿伯姆比手畫腳，細心細意教佢做這做該
阿雪仔鴨仔聽雷樣仔，還恅著厥家娘嫌佢，輒常走去間項噭
有一擺，食飽夜，一屋下人坐等看電視，阿雪仔看人笑就跈人笑
...
海陸腔
第七課
恁靚个臺灣
臺灣島就像太平洋脣个一粒珍珠
在這小小的島上，看得到高山、平原、峽谷、海岸
地形多樣，景致美麗
寒、溫、熱帶林相完整，生態豐富
葡萄牙人摎佢安到「福爾摩沙(Formosa)」
自古以來，原住民、客家人、學老人摎新住民
在這位安身立命，開枝散葉，相扶相融，產生多元文化
陽明山个火山地形、硫磺溫泉，係生活活个地質教室
...
大埔腔
第八課
山路
阿芳：阿爸，原來你上擺講个地方斯係這喔！
阿爸：係啊！
阿芳：阿爸，這條山路有幾長啊？
阿爸：大約三、四公里，若係你來行，怕愛兩點鐘喔！
阿芳：吓！仰脣會恁遠，𠊎怕奈毋何喔！
阿爸：仰脣會奈毋何呢？你敢毋係長在有在運動？
阿姆：係啊！係啊！上擺去跋加里山
來去六、七點鐘久，你毋係行盡頭前咩？
...
饒平腔
第六課
揣令仔
正月半該暗晡
𠊎兜跈阿爸去參加揣令仔比賽
廟坪肚人山人海，鬧熱煎煎
正開始个時節
有當多靚靚个細阿妹仔又唱又攘
實在還好䀴哪！
過就係揣令仔比賽
𠊎䀴著歸列仔个燈籠
...
海陸腔
第八課
萬丈高樓從底起
有一日𠊎坐火車愛去高雄，坐啊定疊
一個五十歲邊仔个男仔人，行到𠊎个位仔面前
佢緊看𠊎，笑笑仔講
失禮！請問你係李增福先生無
係啊！你仰會識𠊎呢
𠊎臥起頭來，看等這個面烏刻烏刻
目珠大大蕊已有精神、身材又高又砸磳
著一領灰色个「夾克」，手項擐等一隻老式公事包个男仔人
...