文本一覽
文本一覽
大埔腔
第六課
細龜
黃屋背个山坑肚，有一隻細龜
有一日，細龜慢慢行
行半爛燦，看著鰗鰍
鰗鰍問佢講：「你愛去哪？ 」
細龜講：「𠊎想愛去海脣看光景。」
鰗鰍斯笑佢：「你揹个殼恁重，行仰得到？ 」
過幾日，堵著細鴨
細鴨乜問佢
...
海陸腔
第六課
揣令仔
正月半該暗晡
𠊎兜跈阿爸去參加揣令仔比賽
廟坪肚人山人海，鬧熱煎煎
正開始个時節
有當多靚靚个細阿妹仔又唱又攘
實在還好看哪
過就係揣令仔比賽
𠊎看著歸列仔个燈籠
...
大埔腔
第七課
胡阿海
今年，離胡阿海來臺灣有兩百六十零年咧
清明祭祖个時節
後代子孫幾下百個在公廳拜祖公
共下聽老輩人講來臺祖胡阿海个故事
胡阿海從細無爺無哀
又毋好讀書
跈緊親戚滿哪尋事做
換飯食
...
四縣腔
第四課
無共樣个客家話
𠊎講「靚」，你講「鬧(nau)」
𠊎講「看」，佢講「䀴(ngiangˋ)」
「阿公」有人喊「阿爹(a+da+)」
「阿爸」有人喊「阿怙(aˇ u)」
雖然講法無共樣
毋過，毋使疑狐
這兜全部係客家話
客家話在臺灣有五種主要个腔調
...
大埔腔
第八課
火黏蟲
落雨過後个臨暗
日頭在山背，留下淡黃色个霞痕
山前个樹影，頭前个禾秧，越來越濛
漸漸，所有个景物，沉落夜色中
暗晡夜，吾等歸家人
決定愛轉莊下去看火黏蟲
這係阿爸舊年斯同大家講好个
老屋囥緊阿爸个童年回憶
...
海陸腔
第八課
山路
阿芳：阿爸，原來你上擺講个地方就係這喔
阿爸：係啊
阿芳：阿爸，這條山路有幾長哪
阿爸：大約三、四公里，係你來行，怕愛成兩點鐘喔
阿芳：吓！仰會恁遠，𠊎怕奈毋何喔
阿爸：仰會奈毋何呢？你毋係長透有運動
阿姆：係啊！係啊！上擺去蹶加里山
來去六、七點鐘久，你毋係行最頭前
...
四縣腔
第五課
發夢
阿明屋下當苦，日仔過到有一餐無一餐
佢輒常餓到「肚屎變背囊」
根本無錢好討餔娘
有一日，佢上山撿樵
到晝吔，肚當飢，佢就拿出飯𤊶來過餐
忽然間，佢看著一隻白鶴仔軟怠怠仔橫到樹頭下
阿明問白鶴仔：「你仰會橫到這位？」
白鶴仔講：「吾个翼著傷，飛毋起來
...
饒平腔
第六課
細龜仔
黃屋背个山坑壢，有一隻細龜仔
有一日，細龜仔慢慢仔行
行到半站仔，䀴著鰗鰍仔
鰗鰍仔問佢講：「你愛去哪位？」
細龜仔講：「𠊎想愛去海脣䀴光景。」
鰗鰍仔就笑佢：「你揹隻殼恁重，行仰得到？」
過幾日，堵著細鴨仔
細鴨仔乜問佢
...
饒平腔
第七課
胡阿海
今年，離胡阿海來臺灣有兩百六十零年咧
清明祭祖个時節
後代子孫幾下百儕在公廳拜阿公媽
共下聽長輩講來臺祖胡阿海个故事
胡阿海從細無爺無哀，也無好讀書
跈等親戚滿哪仔尋事做，換飯食
1750年，阿海十八歲
佢分朋友湊去賭徼
...
饒平腔
阿海舍心肝肚永久記得
自家係仰般艱苦過來个
所以佢千叮嚀、萬吩咐，交代子孫
第一絕對莫賭徼
第二愛煞猛讀書
第三愛認真做事
這種家訓代代相傳
變成好門風
佢个子孫也當增志
無人會去賭徼
...
四縣腔
第六課
揣令仔
正月半該暗晡，𠊎等跈阿爸去參加揣令仔比賽
廟坪項个人掖蔴掖米，鬧熱煎煎
正開始个時節，有當多當靚个細阿妹仔又唱又迎
實在還好看哪
過吔就係揣令仔比賽，𠊎看著歸列仔个燈籠
逐隻下背吊等一條令仔
有揣文字、揣東西，也有揣人名、揣動物个
開始搶答哩，頭下碼主持人先出一題
...
海陸腔
第九課
圳溝摎陂頭个啕嘆
有一日个當晝頭
老龜仔在大石牯頂背晒日頭
聽著圳溝摎陂頭在該唉唉唧唧
試著當奇怪
老龜仔：你兩儕做麼个啕嘆呢
陂頭：唉！無講你毋知，講來話又長哩喲
圳溝：係呀！毋多知，𠊎俚戴在這位差毋多有三百年哩
陂頭：後生該量時，日夜都無閒，幾艱苦你知無
...
海陸腔
第十課
老街
有一擺，𠊎摎好朋友去逛老街
老街就像囥在阿婆簞笥肚个老相片
逐張轉黃退色个相片
像講等一條條有快樂也有傷心个老故事
行入老街，該一長槓个拱形門廊
一扇一扇雕龍刻鳳个窗門
看得出老師傅奇巧个手藝
這一間一間古色古香个紅磚屋
...
四縣腔
第七課
打竹夾真生趣
咚咚隆咚七咚鏘，愛看採茶煞煞行
打竹夾盡出名，阿丑緊講緊上棚
大人細子恁歡迎！恁歡迎！
天恁奇，地恁怪
笠嫲毋戴日頭晒，有腳毋行用車載
皇宮毋戴戴山寨
細𧊅食大𧊅，蛤蟆食毛蟹！
嫌忒矮削腳底
...