文本一覽
文本一覽
四縣腔
第三課
三腳採茶—客家氣象局
丑：記得就真記得，記得舊年五月節
南洋發風落大雪，駱駝划飯溚溚跌
禾鷝拔翼學打鐵，鸚哥結舌講天缺
鴨嫲絡食飯店歇啊！飯店歇！
旦：天公哪，落水唷
阿妹呀，戴等笠嫲來到坑水邊
坑水呀，清又清，魚仔在水中該泅來泅去！
生：阿婷妹，𫣆來去散步、啉咖啡好無啊？
...
海陸腔
第六課
來去義民廟看打醮
舊年，先生渡𠊎兜去新埔枋寮義民廟看打醮
吂到義民廟，遠遠就看著三支伸入天頂个「燈篙」
先生講這高高个「燈篙」係招孤魂
就像這下个請帖，也係引路个指標
𠊎兜行到義民廟前，先摎義民爺執禮
先生講，義民爺係一群為著保衛自家鄉土
保護大家生命，死難犧牲个先人
起先，𠊎當像鴨仔聽雷樣，經過先生從頭到尾詳細个解說
...
四縣腔
第四課
渡子歌
一想渡子無恁該，幾多艱難受過來
受盡幾多寒更夜，仰得子大孝爺哀？
「渡子歌」係在臺灣客家莊流傳个一條山歌
內容係寫婦人家降子个風險
同養育子女个辛苦
用念唱个方式，來表現該時代做阿姆儕生活个艱苦
目的在勸話世間人愛行孝道
婦人家一有身項，就愛細心細義
...
海陸腔
第七課
送子伯公
福伯姆看著倈仔阿昌摎阿美結婚幾下年
肚屎還本本凹凹，又想著屋下三代單傳
係有孫仔來弄啊哩，毋知有幾好
福伯姆見去廟肚，就求神託佛，望心臼降隻細人仔來
有一暗晡，神明託夢福伯姆
你兜想愛有子息，就愛向南行，去求有種玉蘭花个伯公
阿福伯摎福伯姆就滿哪仔去尋，東打探，西打探
問著在苗栗北片析有一座宮廟脣个伯公
...
海陸腔
第八課
食到老學到老
春秋時代，孔子帶等學生仔共下到各國遶尞
有一日車仔行到半路仔，嗄分一隻用泥團結个城堡擋著
裡肚還有一個細人仔在該搞
孔子就問佢：「你做麼个擋𠊎个車仔，毋分𠊎過？」
該隻細人仔應講：「從古到今
就有聽過車仔閃城堡，哪有講城堡愛閃車仔个！」
孔子當下無話好應，就對佢講
你雖然年紀細，毋過知得恁深个道理，你安到麼个名呢
...
海陸腔
第九課
隔壁个新移民
今晡日五月十五係國際家庭日
𠊎兜个社區舉辦國際料理比賽
隔壁伯姆个越南心臼阿雪，笑咪咪仔上臺領獎
歸屋下人都來參加，大家就當暢
記得阿雪正嫁來該下，日時頭，伸著兩子家娘在屋下
因爭話語毋通，伯姆比手畫腳
細心細意教佢做這做該，阿雪鴨仔聽雷樣
還話著厥家娘嫌佢，輒常走去間肚噭
...
海陸腔
第十課
社區大學
逐日臨暗仔六點半邊仔
來自四方八面个學員，有老有嫩
有兜正下班，有兜正摸閒屋下个事
陸陸續續行入教室肚
日時頭，該兜學員在各行各業打拚
到了暗晡頭，因為共樣个興趣
大家來做同學，共下學習
這就係現下已時行个「社區大學」
...
四縣腔
第五課
三山國王
劇情大綱：
根據傳說，宋太祖開寶四年（公元971年）
因爭南漢王輒常犯界，仰般勸就無效
太祖發譴，派大將軍潘美興兵征討
南漢王兵敗，逃入山寨
潘美命令潮州太守王侍監帶兵火攻山寨
王侍監知得當地巾山、明山、獨山三位山神个神威
就向山神求助
...
海陸腔
第一課
網路世界
這下係網路个時代，無論係個人、家庭抑係機關、企業
做下就會用著網路
網路無國界个限制，做得拉兼人摎人之間个距離
帶分現代人生活當大个利便
今這下个人，毋使去街路，用網路來買賣東西就做得
網路商店賣个物品包羅萬象
愛買東西，手指一點，貨就會寄到屋下來
愛看新聞，網路頂个消息，比報紙較新又較遽
...
大埔腔
第二課
伴
「阿菊！好䟘咧！
過一下那阿玉斯會來湊你去學校哩喲
日日分人等敢毋會敗勢！」
阿姆大嫲牯聲在該喊
𠊎煞煞跳䟘來
若係過再韌床，阿姆斯會開聲罵
緊講麼个阿玉幾乖啦
逐日早早斯食飽來等你啦
...
四縣腔
第六課
來去義民廟看打醮
舊年，先生帶𠊎兜去新埔枋寮義民廟看打醮
吂到義民廟，遠遠就看著三支伸入天頂个「燈篙」
先生講這高高个「燈篙」係招孤魂，親像這下个請帖，也係引路个指標！
𠊎這兜行到義民廟前，先同義民爺執禮
先生講，義民爺係一群為著保衛自家鄉土、保護大家生命，死難犧牲个先人
起先，𠊎當像鴨仔聽雷樣仔，經過先生有頭有尾詳細个解說
下後，𠊎正多少仔了解義民爺个事蹟
廟門口一尊眼盯盯、面相兇惡、粗蠻大漢个大士爺
...
海陸腔
第二課
淨俐个地球
樹叢肚 鳥仔這片唱 該片和
唱出歸樹林个快樂
山排頂 百花嗶剝 滿山香
細人仔追上追下草坪項
東風吹啊來 𠊎聽著生命个歡唱
烈烈个日頭 逐等鏡鮮个泉水
對山項到坑壢 順等河壩 流入連天个海洋
魚仔在該泅來泅去
...
海陸腔
第三課
網路阿宅
有一儕人，無人知佢麼个名姓
總知佢係「阿宅」
無人知佢戴在哪，乜無人知佢在哪食頭路
看著佢个時節，大體就係在網路項
阿宅平常已恬，無麼个話講
乜已少摎人相借問，係講著佢有趣味个話頭，就講毋會煞
佢見講話，盡慣在話頭話尾加一句
「這係網友講个」、「網路項恁樣寫个」
...
大埔腔
第三課
坐偎來參詳
下禮拜吾等這班愛去家政教室上課
上課進前，先開班會討論上課內容
會議紀錄係恁泥寫
七年一班班會紀錄
時間：10月24日 下晝 第三節
週次：第七禮拜
開會次數：第三擺
地點：701班教室
...
海陸腔
第四課
利便个交通網
第一幕
時間：拜六暗晡
人物：阿爸、阿姆、阿煥（國中三年生）、阿婷（小學兩年生）
地點：廳下
阿煥：阿爸，韶早愛坐幾多點个車？愛幾早䟘
阿爸：𫣆俚愛坐八點个車，大體六點半邊仔䟘就做得哩
阿婷：該乜會像上擺共樣，轉到阿婆屋下就過晝缽𤊶咧
恁樣又做得食鐵路便當咧，還好哪
...