文本一覽
文本一覽
海陸腔
第一課
行入伙房屋
四四方方个大伙房，大人細子个天堂
車肚收音機播出這隻歌
𠊎聽著已生趣，黏時就問
麼个係大伙房
阿爸講：「大伙房係早期𠊎俚兜客家人在莊下起个屋
該時房族共下戴，聲事共下做
三餐共灶煮、共下食
摎這下个細家庭無共樣！」
...
四縣腔
第八課
山路
阿芳：阿爸，原來你上擺講个地方就係這喔！
阿爸：係啊！
阿芳：阿爸，這條山路有幾長仔呢？
阿爸：大約仔有三、四公里，係你來行，怕愛兩點鐘邊仔喔
阿芳：吓！恁遠喔，𠊎怕奈毋何喔
阿爸：仰會奈毋何呢？你毋係長透有運動喺
阿姆：係啊！係啊！上擺去蹶加里山
來去六、七點鐘久，你敢毋係行盡頭前？
...
饒平腔
第十課
飛鼠个心聲
目珠圓叮噹，尾仔長又長
日時樹空囥，夜來走山崗
𠊎就係戴在臺灣山崠頂个飛鼠
在海拔三百公尺到三千公尺个山項都有𠊎兜个腳跡
𠊎日時頭囥在樹空肚歇睏
臨暗仔正出來尋嫩葉摎果子食
在這位，鳥仔唱歌分𠊎聽
白雲青天來做伴
...
四縣腔
第九課
圳溝同陂頭个道嘆
有一日个當晝頭，老龜仔在大石牯頂項晒日頭
聽著圳溝同陂頭在該唉唉唧唧，試著當奇怪
老龜仔：你兩儕做麼个道嘆呢？
陂頭：唉！無講你毋知，講來話又長哩喲
圳溝：係呀！𠊎兜歇在這位，毋多知仔，就會有三百年吔！
陂頭：後生該央時，日夜都無閒，幾艱苦吔你知無？
圳溝：耕種人係講愛耕一大片水田，就無恁該食
頭下碼，就愛同大河壩个水，引到陂頭阿哥這位來
...
大埔腔
第十課
飛鼠个心聲
目珠圓叮噹，尾生來恁長
日時樹空囥，夜裡走山崗
𠊎斯係戴在臺灣山崠頂个飛鼠
在海拔三百公尺到三千公尺个山肚
都有吾等个腳跡
𠊎日時頭囥在樹空肚歇睏
臨暗正出來尋嫩葉、果子食
在這位，鳥會唱歌分𠊎聽
...
海陸腔
第二課
敬字惜紙話聖蹟
一頭樹仔項，兩個細人仔吊晃槓
請揣一隻字
答案就係「來」，你有揣著無
恁生趣个漢字，係上古時代流傳下來个
還較早先个人，用索仔打結來記事
毋過無法度做較複雜个記載
後來个人就觀察天下萬物个情形
造出代表各種意義个符號
...
四縣腔
第十課
老街
有一擺，𠊎摎好朋友去逛老街
老街就像囥在阿婆簞笥肚个老相片
逐張轉黃退色个相片，像講等一條條有快樂也有傷心个老故事
行入老街，該一長槓个拱形門廊、一扇一扇雕龍刻鳳个窗門
看得出老師傅奇巧个手藝
這一間一間古色古香个紅磚屋
像同𠊎講：「頭過這位係各行各業都當盛
交通當利便个莊街，有戲園、酒家、旅社、百貨洋行
...
饒平腔
第一課
緊學緊問
仰般講在求知識个過程中
古人毋單淨講求「博學」
還強調「審問」
該係因為緊學緊問
正會得著學問
在這變化恁遽个時代
不管係語言、資訊、人文、藝術、自然、科技
𫣆俚都一定愛多方面學習
...
四縣腔
第一課
行入伙房屋
四四方方个大伙房
大人細子个天堂
車肚收音機播出這個歌聲
𠊎聽著異生趣，黏時就問
麼个係大伙房？
阿爸講：「大伙房係早期亻恩兜客家人在莊下起个屋仔
該央時房族共下歇
生事共下做，三餐共灶煮、共下食
...
海陸腔
第三課
三腳採茶—客家氣象局
丑：記得就真記得，記得舊年五月節
南洋發風落大雪，駱駝划飯溚溚跌
禾鷝拔翼學打鐵，鸚哥結舌講天缺
鴨嫲絡食飯店歇啊！飯店歇
旦：天公哪，落水唷，阿妹呀
戴等笠嫲來到坑水邊，坑水呀，清又清
魚仔在水中該泅來泅去
生：阿婷妹，𠊎來去散步、啉咖啡好無啊
...
四縣腔
第二課
敬字惜紙話聖蹟
一頭樹仔項，兩個細人仔吊晃槓
請揣一隻字
答案就係「來」，你有揣著無？
恁生趣个漢字，係上古時代流傳下來个
還較早先个人
用索仔打結來記事
毋過無法度做較複雜个記載
後來个人就觀察天下萬物个情形
...
大埔腔
第一課
緊學緊問
做麼个古人會講，在求知識个過程中
毋單淨講求「博學」
還愛強調「審問」
該係因致緊學緊問
正會有學問
在這變化恁遽个時代
不管係語言、資訊、人文、藝術、自然、科技
𫣆等定著愛多方面學習
...
海陸腔
第四課
渡子歌
一想渡子無恁該，幾多艱難受過來
受盡幾多寒更夜，仰得子大孝爺哀
「渡子歌」係在臺灣客家莊流傳个一條山歌
內容係寫婦人家降子个風險，摎養育子女个辛苦
用念唱个方式，來表現該時代做阿姆儕生活个艱苦
目的在勸話世間人愛行孝道
婦人家一有身項，就愛細心細義
坐得高來驚怕會倒𢫦轉，坐得矮來又驚會搵內傷
...
海陸腔
第五課
三山國王
劇情大綱
根據傳說，宋太祖開寶四年（公元971年）
因爭南漢王輒常犯界，仰般勸就無效
太祖當閼，派大將軍潘美興兵征討
南漢王兵敗，逃入山寨
潘美命令潮州太守王侍監帶兵火攻山寨
王侍監知得當地巾山、明山、獨山三位山神个神威
就向山神求助
...