文本一覽
文本一覽
大埔腔
灶頭舊事
過年前，吾屋家請油漆師傅來油漆。師傅講，後尾門有分老鼠喫一大空哦！
看著喫壞个紗門，心肝頭一下斯像著釣个樣抓緪緪，連大氣都敨毋出
老鼠係𠊎童年个惡夢，原旦想，今這下戴高樓斯毋會有老鼠，無想著道高一尺，魔高一丈
這隻老鼠鬼，正經係毋想分𠊎好過年係無？
還記得該正過撇年个臨暗，輪著𠊎暖燒水
阿姊帶老弟老妹去禾埕，同伙房裡肚个細人，共下搞囥人尋同踢銅笐
留𠊎一個人在灶下燒樵。掌火个事頭實在已無聊
目珠尾睞著碗櫥項有幾垤晒燥个甜粄乾，斯拿火鉗夾緊甜粄用火焙
金黃色个甜粄起勢結𤊶，一屑屑臭火煙个味瑞真餳人食
...
四縣腔
阿婆惜𠊎惜入心
風涼涼仔，日頭還囥在山背，𠊎就陪阿婆去公園行路咧
公園肚，運動个人無異多，毋過，怪奇个係，逐儕都識阿婆
「阿財嫂，出來運動哦！孫女恁乖，還等人惜哦！」
阿婆个老朋友毋會少，堵著一個問一到，阿婆笑微微仔異歡喜
𠊎就敗勢到歸朝晨面紅紅
放暑假咧，假使𠊎逐朝晨陪阿婆行路，慣勢了，佢恁多儕應該毋會過問正著
轉屋下个路項，看著一個老伯姆渡等孫仔在廊仔下坐尞，該阿婆个腳尾躡啊躡仔
腳膝頭就跈等一上一下掞啊掞仔，坐在膝頭面个嬰兒仔，暢到嘴合毋密
嬰兒仔笑，該阿婆也笑，嘴項噥哢該兩儕正聽得識个話語
...
四縣腔
燈籠
老頭擺，逐年正月半个燈籠節，隔壁鄰舍个細人仔，長透會湊等共下
自家來做自家个燈籠，故所，𠊎兜燈籠个材質就用該兜手項便便做得用个
有蘿蔔仔、銅笐仔、紙仔這兜。𠊎最中意蘿蔔仔透出來个光，該係用湯匙摎蘿蔔仔中央个肉身部分挖空
當然，挖出來个部分還係做得煮來食，若係就恁樣丟忒
該就打爽，老一輩个人總係會分𠊎兜細人仔一隻觀念做得用个抑係做，得食个東西就做毋得儘採打爽忒
若係講就恁樣摎佢攉攉忒去， 該就係「折福」
燈籠做好，大家在暗摸胥疏个暗晡頭，儕儕手項都有一盞燈籠
擐等燈籠，遶到禾埕、田脣、竹林間、陂塘䃗，滿哪仔冒險，試著恁樣形搞當生趣
在四圍無光害个莊下肚項，單淨就月光、星仔个夜色
...
四縣腔
糟嫲
見擺冬下兼過年時節，𠊎就會想起阿姆做个「糟嫲」
紅漬漬个糟嫲就像年个代言人，放勢用佢一身啾紅
還過糯米發過後个酒香，間等年下个喜氣，帶來一種幸福个感覺
也係預告過年會到哩喲！枵鬼个細人仔，吂曾吂抵就頭勾勾仔緊望
就望得係有隻糟嫲雞髀抑係糟嫲雞腳來喫，毋知有幾好
阿姆做糟嫲功夫一流，酒香歸屋間，佢還會用豬肉、雞肉、鴨肉……變出好食个糟嫲肉。
過年時節桌頂定著會有紅紅香香又餳人食个糟嫲肉，屋下兄弟姊妹看著這盤菜
隻隻目金金仔走到尾都會直，無幾久大家就食到恬索索仔無閒好講話
手指公吮到嘖嘖滾響
...
四縣腔
快樂50
記得係𠊎讀高中个時節，這臺「快樂50」奧多拜就牽轉來屋下
佢係吾爸第一臺騎个奧多拜，進前吾爸个交通工具本成係騎自行車無就坐巴士
吂退休个阿爸上下班騎「快樂50」去學校，退休後去宮廟做義工，還係騎「快樂 50」來來去去
「快樂50」還有一件當重要个任務，就係放尞日愛載吾姆去市場買菜
該央時細人仔就講「快樂50」係「買菜車」
吾姆生到肥擂擂仔，見擺看吾爸騎等 「快樂50」載吾姆去買菜个背影
就試著佢兩儕人像愛去約會樣仔，吾姆个心情應該係快樂个！
毋過「快樂50」毋知會佇毋著無？
逐擺菜買轉來，屋下人就知有好料理食哩喲！
...
四縣腔
竹凳伯姆个大手帕
歸莊頭个人看著佢兩公婆，通棚都喊竹凳伯同竹凳伯姆
因為戴厥對面个妹仔、婿郎同吾屋下係兩隔壁
𠊎就跈等佢兜个三個外孫仔喊佢兜「姐公、姐婆」
老人家戴个細瓦屋，無禾埕、無丹墀坪，單淨一間屋，囥在竹籬門牆裡背
廳下有隻棚頂，一入門个左手析，放有一隻竹梯排
愛用著个時節，就徙正來蹶上去棚頂尋東西，平常時就等佢凴壁企在愛入灶下个門脣
論真講起來，歸大隻棚頂，除忒年下仔愛賣豬个時節正會用著个大量
全部都係佢兩儕愛做桌凳同籃䉂个竹料仔
竹凳伯姆有一條大手帕仔，毋知本旦係麼个色
...
四縣腔
麻竹坑
無講無見奇，毋講你毋知，紹介一個生趣个所在
這位所，春夏秋冬，一年透天景色盡靚，盡餳人，無論愛看山景
還係愛遶山花，來這位，定著尞到歡喜歸日，毋知好轉
客家莊个麻竹坑該所在，你識聽過無？
佢在臺中市新社區， 較接近和平區
偎東勢方向大甲河个東片，安做天冷，過了天冷橋，該大甲河个西片
安做麻竹坑，福興係里名，頭擺種盡多麻竹，正安做麻竹坑
佢有幾闊，你知無？來舉個例仔，講分你知，大臺中市个行政區域
新社區係排第二闊，本區十三里，福興就占兩股一股个面積
...
四縣腔
巡田水
對𠊎知人我起勢，屋下就在蒔田，阿爸耕个田離水源較遠
愛「開陂作圳」，正有水做得蔭田；若係有想愛用共條圳溝水个人
就愛共下來𢯭手開陂塘、作圳溝，圳溝用久會漏水，大家還愛共下來作圳補漏
同圳溝整好勢，恁樣，大自家个用水正會利便
愛用著這條圳溝水就愛輪水鬮，照理講，輪到別儕用水
大家就愛守規矩讓水分人用，盡驚堵著有私心个人
會同別儕个水偷偷仔壢去自家个田項
因爭恁樣，輪著耕水尾田个阿爸蔭水个時節，長透半夜愛去巡田水
驚怕有人會偷旱去用，自家个田就 會毋罅水好蔭
...
四縣腔
䀯等
在伙房項大个細人仔，總有講毋煞棚个生趣事
無論份家啦飯仔、揇腰跤仔、抑係囥人尋、煨番薯
有誒三五儕仔共下尞，該下晝又係一隻歡喜个好日仔
𠊎盡記得搞囥人尋个時節，歸伙房係𠊎兜个遊戲場
時間一到，講乜奇怪，這兜山猴仔連連續續對屋下瀉出來
上屋个阿雪嫲、下屋个阿勇、隔壁个阿明頭，還有竹園肚个阿隆仔
鬥起來兼兼仔有十儕，大家在阿公婆面前个大禾埕集合
猜拳好勢，贏个人揞等面偷笑，早就想便愛囥个所在
輸个人面就竵忒一析，心肚愐想這闊野野个伙房，愛對哪尋起勢
...
四縣腔
懷念阿公
還細時節跈爺哀歇在北部，該下仔，𠊎正讀幼稚園中班，無愁無慮个年紀
一到放尞，就會吵爺哀帶𠊎轉老屋，因為老屋有𠊎盡好搞个場所——禾埕
又還做得走到闊野野个田坵仔搣鬼搣怪，自由自在
該時節阿公還當健，見擺𠊎兜轉到老屋，看著𠊎就暢到同𠊎揇緪緪
緊講：「在屋下有乖無？去學校有聽先生个話無？」阿公知得𠊎無一時閒
蠕蠕動像屎蟲樣仔坐毋核，頑皮又搞怪个細人仔，係佢最愁个孫仔
一個立秋後个臨暗仔，阿公牽等吾个手，行在青溜溜仔个田脣路項
𠊎像草蜢樣仔掝掝跳靜毋下來，緊想奮㪐阿公生滿老人斑又粗鱗鱗个手巴掌
阿公同吾个手揢到緪緪，毋分𠊎離開厥身邊，驚蠻皮好搞个𠊎一無細義來跌倒
...
四縣腔
灶頭舊事
過年前，吾屋下請油漆師傅來油漆。師傅講，若後尾門分老鼠囓一隻大空哦！
看著囓壞个紗門，心肝頭一下仔像著著釣樣仔揪緪緪，氣就敨毋出
老鼠係𠊎童年个惡夢，原旦想，今這下歇高樓就毋會有老鼠，無想著道高一尺，魔高一丈
這隻老鼠魔，正經毋想分𠊎好過年喺？
還記得該正過忒年个臨暗仔，輪著𠊎暖燒水
阿姊帶老弟老妹去禾埕，同伙房裡肚个細人仔，共下搞囥人尋同踢銅笐仔
留𠊎一儕人在灶下燒樵。掌火个事頭實在當無聊
目珠尾睞著棧櫥項有幾垤晒燥个甜粄乾，就拿火鉗同甜粄夾等分火焙
金黃色个甜粄開始結𤊶，略略仔臭火煙个味緒實在餳人食
...
南四縣腔
阿婆惜𠊎惜入心
風涼涼，日頭還庰在山背，𠊎就陪阿婆去公園行路吔
公園肚，運動个人無盡多，毋過，怪奇个係，每一個人都識阿婆
「阿財嫂，出來運動哦！孫女仔恁乖，還得人惜哦！」
阿婆个老朋友毋會少，堵著一個問一到，阿婆笑咪咪仔盡歡喜
𠊎就壞勢到歸朝晨面紅紅
放暑假吔，假使𠊎逐朝晨陪阿婆行路，慣序吔，佢恁多人應該毋會過問正著
歸屋下个路項，看著一個老伯姆渡等孫仔在廊仔下坐尞。該阿婆个腳尾蹬啊蹬仔
腳膝頭就跈等一上一下掞啊掞仔。坐在膝頭面个嬰兒，暢到嘴合毋揫
嬰兒仔㖸，該阿婆也㖸，嘴項噥哢該兩子阿婆正聽得識个話語
...
南四縣腔
燈籠
老頭擺，每年正月半个燈籠節，隔壁鄰舍个細人仔，長透會湊等共下
自家來做自家个燈籠。故所，𠊎等燈籠个材質就用該兜手項便便做得用个
有蘿蔔仔、銅罐仔、紙張等等。𠊎最好蘿蔔仔透出來个光，該係用調羹仔同蘿蔔仔中央个肉身部分挖空
當然，挖出來个部分還係做得煮來食，假使就恁仔丟核，該就會浪核
老一輩个人總係會分𠊎等細人仔一個觀念，做得用个也係做得食个東西就做毋得儘採浪核
假使講就恁仔同佢攉攉核去，這就係「折福」
燈籠做好，大家在暗摸胥疏个暗晡頭，每個人手項都有一盞燈籠
擐等燈籠，遶到禾埕、田脣、竹林間、陂塘駁，滿哪仔冒險，試著恁仔搞蓋生趣
在四周無光害个莊下裡背，單淨就月光、星仔个夜色
...
南四縣腔
糟嫲
見擺冬下兼過年時節，𠊎就會想起阿姆做个「糟嫲」
紅漬漬个糟嫲就像年个代言人，盡命牯用佢一身啾紅
還過糯米發過後个酒香，間等年下喜氣，帶來一種幸福个感覺
也係預告過年會到吔喲！餓鬼个細人仔，毋曾到就頭臥臥緊望
就望得係有隻糟嫲雞髀也係糟嫲雞腳來捋，毋知有幾好
阿姆做糟嫲功夫一流，酒香歸屋間，佢還會用豬肉、雞肉、鴨肉……變出好食个糟嫲肉
過年時節桌頂定著會有紅紅香香又餳人食个糟嫲肉，屋下兄弟姐妹看著這盤菜
每個人目金金走到尾都會直，無幾久大家就食到恬索索無閒好講話
手指公吮到嘖嘖滾響
...
南四縣腔
快樂50
記得係𠊎讀高中个時節，這臺「快樂50」引擎就牽歸來屋下
佢係吾爸第一臺騎个引擎，之前吾爸个交通工具本成係騎自行車無就坐巴士
毋曾退休个阿爸上下班騎「快樂50」去學校，退休後去宮廟做義工，還係騎「快樂50」來來去去
「快樂50」還有一件蓋重要个任務，就係放尞日愛載吾姆去菜市仔買菜
該下仔細人仔就講「快樂50」係「買菜車」
吾姆生做肥擂擂仔，見擺看吾爸騎等「快樂50」載吾姆去買菜个背影
就試著佢兩個人像愛去約會樣仔，吾姆个心情應該係快樂吔！
毋過「快樂50」毋知會佇毋著無？
每擺菜買歸來，屋下人就知有好料理食吔喲！
...
南四縣腔
竹凳伯姆个大手帕仔
歸莊頭个人看著佢兩公婆，聚概都喊竹凳伯同竹凳伯姆
因為歇厥對面个妹仔、婿郎同吾屋下係倆隔壁
𠊎就跈等佢等个三個外孫仔喊佢等「阿公、阿婆」
老人家歇个細瓦屋，無禾埕、 無天墀坪，單淨一間屋，庰在竹籬門牆裡背
廳下有一個棚頂，一入門个左手析，放有一個竹梯排
愛用著个時節，就徙正來跋上去棚頂尋東西，平常時就分佢凴壁企在愛入灶下个門脣
論真講起來，恁大個棚頂，除吔年下愛賣豬仔个時節正會用著个大量
全部都係佢兩個人拗著愛做桌凳同籃䉂个竹料仔
竹凳伯姆有一條大手帕仔，毋知本旦係麼个色
...