文本一覽
文本一覽
海陸腔
快樂50
記得係𠊎讀高中个時節，這臺「快樂50」奧多拜就牽轉來屋下
佢係𠊎爸第一臺騎个奧多拜，之前𠊎爸个交通工具本成係騎自行車無就坐巴士
吂退休个阿爸上下班騎「快樂50」去學校，退休後去廟肚做義工，還係騎「快樂50」來來去去
「快樂50」還有一件當重要个任務，就係放尞日愛載𠊎姆去市場買菜
該量時細人仔就講「快樂50」係「買菜車」
𠊎姆生到肥擂肥擂，見擺看𠊎爸騎等「快樂50」載𠊎姆去買菜个背影
就試着佢兩儕像愛去約會樣，𠊎姆个心情應該係快樂个！
毋過「快樂50」毋知會佇毋著無？
逐擺菜買轉來，屋下人就知有好料理食哩喲！
...
海陸腔
竹凳伯姆个大手帕
歸莊頭个人看著佢兩公婆，通棚都喊竹凳伯摎竹凳伯姆
因為戴佢對門个妹仔、婿郎摎𠊎屋下係兩隔壁
𠊎就跈等佢兜个三個外孫喊佢兜「姐公、姐婆」
老人家戴个細瓦屋，無禾埕、無天時坪，單淨一間屋囥在竹籬圍牆裡背
廳下有隻棚頂，一落門个左手析，放有一隻竹梯仔
愛用著个時節，就徙正來蹶上去棚頂尋東西，平常時就等佢凴壁企在愛落灶下个門脣
論真講起來，歸大隻棚頂，除忒年下愛賣豬仔个時節正會用著个大量仔
全部都係佢兩儕愛做桌凳摎籃䉂个竹料
竹凳伯姆有一條大手帕，毋知本旦係麼个色
...
海陸腔
麻竹坑
無講無見奇，毋講你毋知，紹介一隻生趣个所在
這位，春夏秋冬，一年透天都盡靚，盡餳人，無論愛看山景
也係愛遶山花，來這位定著分你開容笑面，歡喜靂天，毋知好轉
客家莊麻竹坑該所在，你識聽過無？
佢在臺中市新社區，較接近和平區
偎東勢方向大甲河个東片，安做天冷，過了天冷橋，該大甲河个西片
就安做麻竹坑，福興係里名。因為頭擺種已多麻竹，所以分人安做麻竹坑
佢有幾闊你知無？來舉隻例分你知，大臺中市个行政區
社區个闊斯排第二，本區十三里，福興斯占兩股一个面積
...
海陸腔
巡田水
對𠊎知人我起勢，屋家斯在該蒔田，阿爸耕个田離水源較遠
愛「開陂作圳」，正有水做得蔭田；若係有想愛用共條圳溝水个人
斯愛共下來𢯭手開陂塘、作圳溝，圳溝用久會漏水，大家還愛共下來作圳補漏
摎圳溝整好勢，恁樣，大自家用水正會利便
愛用著這條圳溝水斯愛輪水鬮，照理講，輪著別儕用水
大家斯愛守規矩讓水分人用，最驚堵著有私心个人
會摎別儕个水偷偷瀝去自家个田肚
因為恁樣，輪著耕水尾田个阿爸蔭水該時，長下在半夜愛去巡田水
驚怕有人會偷旱去用，自家个田斯會毋罅水好蔭
...
海陸腔
䀯等
在伙房大个細人仔，總有講毋煞个生趣事
無論份家啦、揇腰跤、也係囥人尋、烳番薯
有三五儕共下尞，該下晝又係一隻歡喜个好日仔
𠊎盡記得搞囥人尋个時節，歸伙房係𠊎兜个遊戲場
時間一到，講乜奇怪，這兜山猴仔連連續續對屋下瀉出來
上屋个阿雪嫲、下屋个阿勇、隔壁个阿明頭，還有竹園肚个阿隆仔
鬥起來差毋多有十儕，大家在阿公婆面前个大禾埕集合
縈好拳，贏个人揞等面偷笑，早就想便愛囥个位所
輸个人面就竵忒一半，心肝肚想這闊野野个伙房，愛對哪尋起勢
...
海陸腔
懷念阿公
還細時節跈爺哀戴在北部，該下𠊎正讀幼稚園中班，無煩無惱个年紀
一到放尞，就會吵爺哀渡𠊎轉老屋，因為老屋有𠊎當好搞个場所——禾埕
又還做得走到闊野野个田町搣鬼搣怪，自由自在
該時節阿公還當健，見擺𠊎兜轉到老屋，看著𠊎就暢到摎𠊎揇緪緪
緊講：「在屋下有乖無？去學校有聽先生个話無？」阿公知𠊎無一時閒
蠕蠕動像屎缸蟲坐毋核，頑皮又搞怪个細人仔，佢最擔心个孫仔
一隻立秋後个臨暗仔，阿公牽等𠊎个手，行在青溜溜个田塍路
𠊎像草蜢樣跳來跳去恬毋下來，緊想奮㪐阿公生淰老人斑又粗鱗鱗个手巴掌
阿公摎𠊎个手揢到緪緪，毋分𠊎離開佢个身邊，驚蠻皮好搞个𠊎一無細義來跢著
...
海陸腔
灶頭舊事
過年前，𠊎屋下請油漆師傅來油漆。師傅講，你个後尾門分老鼠囓一隻大空哦！
看著囓壞个紗門，心肝頭一下仔像著著釣樣揪緪緪，氣斯敨毋出
老鼠係𠊎童年个惡夢，原旦想，這下戴高樓毋會有老鼠，無想著道高一尺，魔高一丈
這條老鼠魔，正式係毋想分𠊎好過年喺！
還記得該正過忒年个臨暗仔，輪著𠊎暖燒水
阿姊帶老弟老妹去禾埕，摎伙房裡肚个細人仔，共下搞囥人尋摎踢銅笐
留𠊎一個人在灶下燒樵、掌火，實在當無聊
目珠尾睞著碗櫥肚有幾垤晒燥个甜粄乾，就拿火鉗摎甜粄夾等用火焙
金黃色个甜粄開始結𤊶，有息仔臭火煙个味緒，正式當餳人食
...
大埔腔
阿奶惜𠊎惜入心
風涼涼，日頭還囥在山背，𠊎斯陪阿奶去公園行路咧
公園肚，運動个人無已多，毋過，怪奇个係，逐儕都識阿奶
「阿財嫂，出來運動哦！孫女恁乖，還等人惜哦！」
阿奶个老朋友毋會少，堵著一個問一到，阿奶笑微微已歡喜
𠊎斯敗勢去歸朝脣面紅紅
放暑假咧，假使𠊎逐朝脣陪阿奶行路，慣勢了，佢恁多儕應該毋會過問正著
行轉屋个路項，看著一個老伯姆渡孫在簷脣下坐尞，該個阿奶个腳尾竳啊竳
腳膝頭斯跈緊一上一下掞啊掞，坐在膝頭面个嬰兒，暢去嘴合毋密
嬰兒笑，阿奶也笑，嘴項噥哢該兩儕正聽得識个話語
...
大埔腔
燈籠
老頭擺，逐年正月半个燈籠節，隔壁鄰舍个細人，長在會湊共下
自家來做自家个燈籠，因致，吾等燈籠个材料，斯用該兜手項便便又用得个東西
像菜頭、銅笐、紙、鐵線等等。𠊎盡好看菜頭透出來个光，該係用湯匙將菜頭中央个肉摟撇
變空心个，摟出來个部分還係使得煮來食，恁泥斯無半屑打爽
老一輩个人總係會分細人一個當好个觀念，用得抑係食得个東西
斯使毋得儘採打爽撇，假使將食得个東西抨撇，這斯係「折福」
燈籠做好，大家在暗摸胥疏个暗晡頭，逐儕人手項都擎一個燈籠
擐核燈籠，遶到禾埕、田脣、竹蒲間、陂塘䃗，滿哪去遶，滿哪去探，試著恁泥搞當生趣
在四圍無光害个莊下，單淨月光、星个暗晡頭
...
大埔腔
糟嫲
見擺冬下偎過年時節，𠊎斯會想著阿姆做个「糟嫲」
紅漬漬个糟嫲斯像年个代言人，放勢用厥一身漬紅
還過糯米發了後个酒香，間緊年下喜氣，帶來一種幸福个感覺
也係預告過年會到哩喲！枵豺个細人，吂前吂斯頭勾勾緊望
望得係有一支糟嫲雞髀抑係糟嫲雞腳來喫，毋知有幾好哪！
阿姆做糟嫲功夫一等，酒香歸屋間，佢還會用豬肉、雞肉、鴨肉……變出好食个糟嫲肉
過年時節桌頂定著會有紅紅香香，又餳人食个糟嫲肉，屋家兄弟姐妹看著這盤菜
逐個目金金走到尾都直，無幾久大家斯食去恬芍芍無閒好講話
手指公吮去㗱㗱滾
...
大埔腔
快樂50
記得係𠊎讀高中个時節，這臺「快樂 50」歐多拜斯牽轉來屋家咧
佢係吾爸第一臺騎个歐多拜，進前吾爸个交通工具，本成毋係騎鐵馬斯係坐巴士
吂退休个阿爸上下班騎「快樂50」去學校，退休了後去宮廟做義工，還係騎「快樂50」來來去去
「快樂50」還有一件當重要个任務，斯係放尞日愛載吾姆去市場買菜
該當時細人斯講「快樂50」係「買菜車」
吾姆肥漬漬，見擺看吾爸騎「快樂50」載吾姆去買菜个背影
斯試著厥兩儕像愛去約會个樣，吾姆个心情應該真快樂正著！
毋過「快樂50」毋知會佇毋著無？
逐擺菜買轉來，屋家人斯知又有好料理食哩喲！
...
大埔腔
竹凳伯姆个大手巾
歸莊頭个人看著厥兩公姐，通棚都喊竹凳伯同竹凳伯姆
為戴厥對面个妹、婿郎同吾屋家係倆隔壁
𠊎斯跈厥等个三個外孫喊「外阿公、外阿婆」
老人家戴个細瓦屋，無禾埕、無天井，單淨一間屋，囥在竹籬笆裡背
廳下有棚頂，一入門个左手析，放有一支竹梯
愛用著个時節，正徙正來好跋上棚頂尋東 西，平常時斯凴壁搭在愛入灶下个門脣
論起真，歸個棚頂，除撇年下愛賣豬个時節，正會用著个大量
做下都係厥兩儕愛做桌凳同籃䉂个竹料
竹凳伯姆有一條大手巾，毋知本等係麼个色
...
大埔腔
麻竹坑
無講無見奇，毋講你毋知，紹介一個生趣个所在
這位所，春夏秋冬，長年透天景色已靚，已餳人，無論愛看山景
抑係愛遶山花，來這位，定著分你尞去歡喜歸日，毌知好轉
客家莊个麻竹坑該所在，你識聽過無？
佢在臺中市新社區，較接近和平區
偎東勢方向大甲河个東片，安做天冷，過了天冷橋，該大甲河个西片
正安做麻竹坑，福興係里名，頭擺種已多麻竹，正安做麻竹坑
佢有幾闊，你知無？來舉個例，比論你知，大臺中市个行政區域
新社區係排第二闊，本區十三里，福興斯占兩股一个面積
...
大埔腔
巡田水
對𠊎知人我起勢，自溜屋家斯係耕田，阿爸耕个田離水源較遠
愛「開陂作圳」，正有水好來蔭田；若係有想愛用共條圳溝水个人
斯愛共下來𢯭手開陂塘、作圳溝，圳溝用久會漏水，大家還愛共下來補漏
將圳溝整好勢，恁泥，大自家用水正會利便
愛用著這條圳溝水斯愛輪水鬮，照理講，輪著別儕用水
大家斯愛照規矩讓水分人用，盡驚堵著有私心个人
會同別儕个水偷偷壢去自家个田項
因致恁泥，輪著耕水尾田个阿爸蔭水之時，長在半夜愛去巡田水
驚怕頭節有人會偷旱去用，自家个田斯會無罅水好蔭
...
大埔腔
䀯緊
戴伙房屋大漢个細人，總有講毋煞鼓个生趣事
無論份家啦、揇跤、抑係囥人尋、𤌍番薯
有三五個共下尞，該下晝斯係一個歡喜个好日
𠊎盡記得搞囥人尋个時節，歸伙房都係吾等个遊戲場
時間一到，講也奇，這兜細孲嗶一個一個對屋家瀉出來
上屋个阿雪嫲、下屋个阿勇、隔壁个阿明頭，還有竹園肚个阿隆牯
鬥起來偎偎有歸十個，大家在公廳面前个大禾埕集合
縈好拳，贏个人揞面偷笑，早都想便愛囥个所在
輸个人面竵撇一析，心肝肚愐想這闊茫茫个伙房，愛對哪尋起勢
...
大埔腔
懷念阿爹
還細時節跈爺哀戴在北部，該下，𠊎正讀幼稚園中班，無愁無慮个歲數
一到尞日，斯會吵爺哀帶𠊎轉老屋，因為老屋有𠊎盡好搞个場所——禾埕
又還使得走去闊茫茫个田坵搣鬼搣怪，自由自在
該時節阿爹還已健，見擺吾等轉到老屋，看著𠊎佢暢去同𠊎揇緪緪
緊講：「在屋家有乖無？去學校有聽先生个話無？」阿爹知𠊎已無時閒
㨎㨎鑽像屎爬蟲个樣坐毋核，賤躁又作怪，係佢盡愁慮个孫
一個煠秋个臨暗，阿爹牽緊吾个手，行在青荷荷个田脣路項
𠊎像草蜢个樣嗶嗶跳，緊想奮㪐阿爹該生老人斑又粗鱗鱗个手巴掌
阿爹揢緪吾个手，毋分𠊎離開厥身邊，驚怕蠻皮好搞个𠊎一無細義來跌著
...