文本一覽
文本一覽
詔安腔
第三課
網路阿宅
有一個人，無人知佢麼个名姓
單單知佢係「阿宅」
無人知佢蹛在哪位，乜無人知佢在哪位食頭路
位著佢个時務，大討即係在網路上
阿宅普通時足恬，無麼个事講
嘛真少和人相借問，若係講著佢較心適个事，即講毋會煞
佢見講事，真慣勢在嘴頭嘴尾加一句
「這係網友講个」、「網路上係按寫个」
...
詔安腔
第四課
利便个交通網
第一幕
時間：拜六暗夜
人物：阿爸、阿依、阿煥（國中三年生）、阿婷（小學兩年生）
地點：廳下
阿煥：阿爸，韶日愛坐幾多點个車？愛幾早起來
阿爸：𫣆人愛坐八點个車，大約六點半前後䟘即會用
阿婷：遐嘛會像上擺遐樣，轉到阿媽屋下就過晝缽後啊
按又會用食鐵路飯包咧，真好喔
...
詔安腔
第五課
儕儕會用食百二
阿文牯：這站好無？
你去外位讀書，一個人在生份个所在生活
上禮拜你放假轉來，𠊎䀴著你面色無真好
又加堅瘦，䀴起來懶懶，阿爸實在真毋盼
你本來身體恁勇，係毋係食睡無正常，過加上寒著
無撥工去得先生䀴，正會按
愛知有康健个身體，正有精神好讀書
身體愛好即愛對食物、保健、醫療三方面做起
...
詔安腔
第六課
一個社區个營造
三月十五遐晨早，𠊎為著討了解社區个營造
撥工去參加桂花巷社區个剪綵活動
自實際活動个體驗和訪問，來了解社區
在路上，𠊎聽一個伯㜷講起桂花巷社區
上個月成立環保義工隊，拁社區个大街小巷
拚掃到淨俐淨俐
伯㜷一講，𠊎正發現
本底滿哪位係垃圾个路頭巷尾，這滿整理到淨淨俐俐
...
詔安腔
第七課
恁靚个臺灣
臺灣島即像太平洋脣个一粒珍珠
在這細細的島上，䀴會著高山、平原、峽谷、海岸
地形多樣，景致真靚
寒、溫、熱帶林相攏有，生態豐富
葡萄牙人拁佢號做「福爾摩沙(Formosa)」
自古以來，原住民、客家人、學老人和新住民
在這安身立命，開枝散葉，相扶相融，產生多元文化
陽明山个火山地形、硫磺溫泉，係活个地質教室
...
詔安腔
第八課
萬丈高樓從底起
有一日𠊎坐火車討去高雄，正坐定著
一個差不多五十歲个男子人，行來𠊎个頭前
佢直直捉𠊎䀴，笑笑仔講
失禮！請問你係李增福先生無
係啊！你仰子會識𠊎呢
𠊎頭臥起來，䀴著這個面烏刻烏刻
目珠大大蕊足有精神、身材又高又勇
著一領普色个「夾克」，手擐著一隻老式公事包个男子人
...
詔安腔
第九課
樂觀自信个人生觀
世間人百百種，有人銜著金湯匙出世，有人一落泥即少這缺遐
人講一枝草一點露，逐儕人總有一條路好行
瑞典有一個細漢妹子，一出世即無手
左腳係正腳个一半長
毋過自細爺哀即拁佢準做普通人䀴
教佢愛仰子面對困難、適應生活
發揮自家个長處，用樂觀个態度來面對人生
佢即係蓮娜‧瑪麗亞(Lena Maria)
...
詔安腔
第十課
𠊎个生涯規劃
過過一駁子，𠊎國中即討出業啊
這下个心情即像老鼠跌落米缸，又歡喜又擘心
歡喜个係討出業，準備行入另外一個階段
擘心个係毋知討讀哪款个學校
佳載這站時間，學校辦了一系列生涯規劃个活動
對𠊎有真大个幫助
原本𠊎對自家个生涯規劃，總係無主無意
自細阿爸即對𠊎講：「愛認真讀書
...
詔安腔
第一課
沿路學沿路問
仰子講在求知識个過程內底
古早个人毋單講求「博學」
猶強調「審問」
遐係因為沿路學沿路問
正會得著學問
在這變化恁遽个時代
毋管係語言、資訊、人文、藝術、自然、科技
𫣆人攏愛多向个學習
...
詔安腔
第二課
伴
「阿菊！好起來啊！
等下阿玉即會來招你去學校啊
逐日得人等敢毋會否勢！」
阿依大嫲聲在遐喊
𠊎煞著跋起來
若係擱罔揾罔揉，阿依即會開聲罵
直頭講麼个阿玉幾乖啦
逐日早早即食飽來等你啦
...
詔安腔
第三課
坐偎來參詳
後禮拜𠊎人這班討去家政教室上課
上課進前，先開班會討論上課內容
會議紀錄係按
七年一班班會紀錄
時間：10月24日 下晝 第三節
週次：第七禮拜
開會次數：第三擺
地點：701班教室
...
詔安腔
第四課
無共款个客話
𠊎講「靚」，你講「鬧(nau)」
𠊎講「䀴(ngiangˋ)」，佢講「看」
「阿公」有人喊「阿爹(a+ da+)」
「阿怙」有人喊「阿爸」
雖然講法無共款
毋過，毋使猜疑，這兜攏係客事。
客事在臺灣有五種主要个腔調
四縣腔大體分布在苗栗、高屏所在
...
詔安腔
第五課
發夢
阿明屋下真艱難
日過到有一頓無一頓
佢不時枵到「食肚貼背脊駢」
根本無錢好渡夫娘
有一日，佢去山崠撿樵
到晝啊，食肚真枵
佢即提出鍋皮來食
好定泥，佢䀴著一隻白鶴軟粢倒怠倒在樹頭下
...
詔安腔
第八課
山路
阿芳：阿怙，原來你上擺講个所在即係這喔
阿怙：係啊
阿芳：阿怙，這條山路有幾長啊
阿怙：大約三、四公里，若係你來行，驚愛偎兩點鐘喔
阿芳：吓！仰子會恁遠，𠊎驚毋耐何喔
阿怙：仰子會毋耐何呢？你毋係一直有運動
阿依：係啊！係啊！上擺去跋咖啡山
來去六、七點鐘久，你毋係行頭頭前
...