文本一覽
文本一覽
大埔腔
第九課
跈阿姆轉妹家
母親節，阿爸、阿姆帶吾等兩姊妹轉妹家
車到外阿婆屋面前
一落車，外阿婆斯扐緊𠊎講
恁久無看著，較作肉哩喲！
有想阿婆無？
無幾久，阿姨也到咧
阿姆同阿姨將紅包、康乃馨送分外阿婆
過後，大人在樹下泡茶、打嘴鼓
...
饒平腔
第八課
請人來食夜
阿公：阿良，恁暗咧，人客仰吂到呢？
阿良：怕會到咧！
喔！來咧來咧！
請坐！請坐！
李太太：這身衫褲分嬰兒仔著，日大三寸，平平順順
張太太：這隻禁指分嬰兒仔戴，乖乖會大
阿舅：這紙尿褲分嬰兒仔，大富大貴
阿良：人來就好，哪好恁樣大包細包！
...
饒平腔
第九課
跈阿姆轉外家
母親節，阿爸、阿姆帶𠊎兩姊妹去轉外家
到咧姐嬤屋面前，一下車
姐嬤就扐等𠊎講：「恁久無䀴著，較作肉哩喲！有想阿嬤無？」
無幾久，阿姨也到咧
阿姆摎阿姨摎紅包、康乃馨送分姐嬤
過後，大人在樹下泡茶、打嘴鼓
𠊎兜細人仔就在屋後背爽囥人尋
表老弟做鬼做到毋擔輸贏
...
大埔腔
第十課
拜祖公
五月節，屋家愛拜祖公
打早，阿姆斯將牲儀、粽、水果準備好勢
等子孫到齊
阿爹正帶大家點香
同祖公講，今晡日係五月節
請祖公來領受三牲、果酒
保護子孫平安順序
過後，阿爹同大家講頭擺祖先仰脣打拚正有今晡日
...
海陸腔
第十課
飛鼠个心聲
目珠圓叮噹，尾仔長又長
日時樹空囥，夜來走山崗
𠊎就係戴在臺灣山崠頂个飛鼠
在海拔三百公尺到三千公尺个山項
都有𠊎兜个腳跡
𠊎日時頭囥在樹空肚歇睏
臨暗仔正出來尋嫩葉摎果子食
在這位，鳥仔唱歌分𠊎聽
...
饒平腔
第十課
拜阿公媽
五月節，屋下愛拜阿公媽
打早，阿姆就將牲儀、粽仔、水果準備好勢
等子孫到齊，阿公就帶等大家點香
摎阿公媽講，今晡日係五月節
請阿公媽來領受三牲、果酒，保祐子孫平安順序
過後，阿公摎大家講頭擺祖先仰仔打拚
正會有今晡日，愛記得祖公个恩德
跌咧聖筊，金燒好，收好牲儀
...
大埔腔
第二課
𠊎盡有興頭个一門課
天公哪！落水唷！阿妹呀！
這首客家歌曲，歸班越唱越大聲
越唱越有興頭
這斯係𠊎盡好上个客語課
客語先生上課認真又古董
毋單淨教大家唱山歌、讀往語、念童謠
還會紹介當有特色个客家文化
山歌好聽，往語搭句，童謠生趣
...
饒平腔
第二課
𠊎最有興頭个一門課
天公啊！落水喲！阿妹呀…
這首客家歌曲，歸班越唱越大聲
越唱越有興頭，這就係𠊎最好上个客語課
客語先生上課認真又古琢
毋單淨教大家唱山歌、讀諺語、念童謠
還會紹介當有特色个客家文化
山歌好聽，諺語搭句，童謠心色
𠊎見擺就聽到當入文
...
四縣腔
第五課
𠊎拚上崁哩
十二月初六 禮拜五 烏陰天
還暢喔！𠊎曉泅水哩！
做得像魚仔恁樣在水竇肚泅來泅去
前一駁仔，先生講愛上泅水課
𠊎聽著就愁到食睡毋得
因為𠊎當無膽，異驚水
頭下碼，先生教大家定定仔學
心情愛放輕鬆
...
四縣腔
第六課
細龜仔
黃屋背个山坑壢，有一隻細龜仔
有一日，細龜仔慢慢仔行
行到半站仔，看著鰗鰍仔
鰗鰍仔問佢講:「你愛去哪?」
細龜仔講：「𠊎想愛去海脣看光景。」
鰗鰍仔就笑佢：「你揹隻殼恁重，行仰得到？」
過幾日，堵著細鴨仔
細鴨仔乜問佢
...
四縣腔
第七課
胡阿海
今年，離胡阿海來臺灣有兩百六十零年哩
清明祭祖个時節
後代子孫幾下百儕在公廳拜阿公婆
共下聽長輩講來臺祖胡阿海个故事
胡阿海從細無爺無哀
也無好讀書
跈等親戚滿哪仔尋事做，換飯食
1750年，阿海十八歲
...
海陸腔
第一課
緊學緊問
仰般講在求知識个過程中
古人不只講求「博學」
還強調「審問」
該係因為緊學緊問
正會得著學問
在這變化恁遽个時代
不管係語言、資訊、人文、藝術、自然、科技
𠊎俚都一定愛多方面學習
...
饒平腔
第三課
先生教𠊎講客話
班長：上課咧，大家煞煞坐好
阿文你去捽粉牌，先生黏時來咧
阿文：哇！又愛上客語課哩喲
艱苦艱苦真艱苦，先生上課像老虎
學生坐等像老鼠，愛唱山歌愛跳舞
還愛用客打嘴鼓，講好客話實在還辛苦啊，還辛苦
先生，失禮，𠊎係講笑个啦！
先生：阿文，你還沙鼻哦！
...