文本一覽
文本一覽
海陸腔
第一課
鹹菜摎覆菜
逐年冬下頭，禾仔割忒
在客家莊个田竇肚
看得著當多青溜溜仔个大菜
家家屋屋就會用大菜做兜仔鹹菜摎覆菜
鹽來滷，腳來跺，石頭矺，日頭晒
滷出个鹹菜香又脆
來一盤鹹菜炒鴨肉，又甘又合味
食過个人都安腦
...
海陸腔
第三課
迎神做鬧熱
三月二十三媽祖生
莊項媽祖婆去北港割香
回鑾个時節，到各莊頭出巡
善男信女就在路脣設香案迎拜
出巡个時節
千里眼、順風耳打頭陣
聽講，佢兩儕本旦係海項作亂个妖怪
下後分媽祖婆收伏
...
海陸腔
第四課
茶米
食妹茶來領妹情
茶杯照影影照人
連茶帶影吞落肚
一生難忘阿妹情
「茶」摎客家人个生活有密切个關連
客家山歌就係在山頂茶園肚傳唱開來个
還記得舊年冬下
跈阿爸阿姆去二舅屋下尞
...