文本一覽
文本一覽
四縣腔
第七課
上網買東西
下二禮拜，愛轉莊下去看阿公
𠊎想著阿公盡好食豆腐乳
就上網去買
手指一點，無幾多日
東西就送到屋下來
下背就係在網路項定个東西
商品名稱：豆腐乳禮盒
商品編號：b367985
...
海陸腔
第十課
拜阿公婆
五月節，屋下愛拜阿公婆
打早阿姆就將牲儀、粽仔
水果準備好勢
等子孫到齊，阿公就帶大家點香
摎阿公婆講，今晡日係五月節
請阿公婆來領受三牲、果酒
保祐子孫平安順序
過後，阿公摎大家講頭擺祖先仰般打拚
...
饒平腔
第六課
休閒農業
休閒農業就係將傳統農業个經營方式多元化
有兜將地方農產品
加工變到精緻个商品
有兜配合當地个風土人情
發展出有特殊文化个景點
有兜利用地方个資源
分人客親身操作
體驗農村个生活
...
海陸腔
第二課
𠊎最有興頭个一門課
「天公啊！落水喲！阿妹呀 …… 」
這首客家歌曲
歸班越唱越大聲
越唱越有興頭
這就係𠊎最好上个客語課
客語先生上課認真又古琢
毋單淨教大家唱山歌
讀諺語、念童謠
...
四縣腔
第八課
請人來食夜
阿公：阿良，恁暗吔，人客仰吂到呢？
阿良：怕會到哩！
喔！來哩來哩！
請坐！請坐！
李太太：這身衫褲分嬰兒仔著，日大三寸，平平順順
張太太：這隻禁指分嬰兒仔戴，乖乖會大
阿舅：這紙尿褲分嬰兒仔，大富大貴
阿良：人來就好，哪好恁仔大包細包！
...
四縣腔
第九課
跈阿姆轉妹家
母親節，阿爸、阿姆帶𠊎兩姊妹去轉妹家
到吔姐婆屋面前，一下車，姐婆就扐等𠊎講
恁久無看著，較作肉哩喲！有想阿婆無?
無幾久，阿姨也到哩
阿姆同阿姨摎紅包、康乃馨送分姐婆
過後，大人在樹下泡茶、打嘴鼓
𠊎兜細人仔就在屋背後搞賭人尋
表老弟做鬼做到毋擔輸贏，搵到地泥下打潑賴
...
四縣腔
第十課
拜阿公婆
五月節，屋下愛拜阿公婆
打早，阿姆就將牲儀、粽仔、水果準備好勢
等子孫到齊，阿公就帶大家點香
同阿公婆講，今晡日係五月節
請阿公婆來領受三牲、果酒，保祐子孫平安順序
過後，阿公同大家講頭擺祖先仰仔打拚
正會有今晡日，愛記得祖公个恩德
跌吔聖筊，金燒好，收好牲儀
...
海陸腔
第四課
書香
老一輩人因為生活較苦
無機會讀書、識字
所以無辦法吸收較多知識
一生人總係知耕種揢泥卵
現下教育普遍，網路發達
有當多讀書个機會
毋過，盡多人並無了解讀書个趣味摎價值
偲俚從細讀書認字
...
海陸腔
第五課
𠊎拚上崁咧
十二月初六 禮拜五 烏陰天
還暢喔！𠊎曉泅水咧！
做得像魚仔恁樣在水竇肚泅來泅去
前一駁仔，先生講愛上泅水課
𠊎聽著就愁到食睡毋得
因為𠊎當無膽，盡驚水
頭下碼，先生教大家定定仔學
心情愛放輕鬆
...
四縣腔
第二課
𠊎最有興頭个一門課
天公啊！落水喲！阿妹呀...
這首客家歌曲，歸班仔越唱越大聲
越唱越有興頭，這就係𠊎盡好上个客語課
客語先生上課認真又古琢
毋單淨教大家唱山歌、讀諺語、念童謠
還會紹介當有特色个客家文化
山歌好聽，諺語搭句，童謠生趣
𠊎見擺就聽到當入文
...